Mateus 21

O Isus prokletinela i smokva

18 Rano sabajleja dži kote o Isus iranela pe sine ko gradi bokhalilo. 19 Koga dikhla jekh smokva uza ko drumo, gelo uza late, ama ki late na arakhla ništo osven listija.

I togaš ov phengja: "Nikat više te na de plodija!" I odma o kaš šukilo.

20 Koga dikhle adava o učenikija, čudisalile hem pučle: "Sar šaj sine o kaš odma te šukjol?"

21 A o Isus odgovoringja: "Čače, vakerava tumenge, ako isi tumen vera hem na sumningjen tumen, na samo so šaj te keren adava so ulo e smokvaja, nego hem šaj te vakeren akale planinake: ‘Ušti hem frde tut ko more’, hem ka ovel agjar. 22 Ako verujnena, ka dobinen sa so ka roden ki molitva."