Pular para o conteúdo
Publicidade

Nnwẹr kw'Ozenga 33

1 Nya o, Ọvaar Ibinọkpaabyi oben Mosẹs bẹ́, "Kọ ọttara anọng p’atim eden abina z’Ijip, màbina rik ibyi nja. Màchina z’izek s’nkk’ncheka nnang , ọmaana Isaak, ọttara Jekọb bẹ́, ‘M’nnang iva p’iva pabọnga.’ 2 Kaam m’ntọhm ozeng-eden kwaam otim bọnga eden, makwubh anọng p’Kenaan, ọmaana anọng p’Amọr, ọmaana anọng p’Het, ọmaana anọng p’Periz, ọmaana anọng p’Hiv, ọttara anọng p’Jebus. 3 Màchina z’izek s’abasi ọmaana ọkọhn malor-olorọ. Okenaka, kaam bọnga mìntor mochina za, okurọ bẹ́, bọnga magaangẹ nso ọkpan. Ó̱de ntorọ bọnga, m’mkpo-kpo mfhọ bọnga z’eden."

4 K’ogbe kw’anọng mbo mabhaang ẹkkaabhatama ndo, ifor ipe bẹ maa, ọnọng kw’obir ọfọra ẹfangkpo kode. 5 Ode ch’Ọvaar Ibinọkpaabyi kk’Mosẹs obena bẹ́, "Tek anọng p’Israẹl bẹ́, ‘Bọnga made anọng p’agaangẹ nso. Ó̱de mbenẹ bẹ́ m’ntor bọnga, zaabẹ́ ode k’ogbe biribirẹ, mkpo-okpo mfhọ bọnga. Màwọra ẹfangkpo pyabọnga madidaanma, ọfha nzonga ọttọhk f’im’nsi mmaana bọnga.’ " 6 Minna kw’anọng mbo p’Israẹl mawọr ẹfangkpo pyabẹ ny’egbe ch’Horẹb.

Ikkira s’etobha

7 K’ibhinga-byi kpenamkpen s’anọng p’Israẹl, wa Mosẹs od-ottima ikkira z’ororo kw’ibhinga-byi njo, oyerẹ jẹ bẹ́, "Ikkira s’etobha." Ọnọng kpenamkpen kw’ororọ bẹ́, ọbọbh Ọvaar Ibinọkpaabyi odik, m’obina orik ibhinga-byi ochina z’ikkira njo s’etobha s’ining z’ororo. 8 Ogbe kpenamkpen kw’Mosẹs ochin z’ikkira njo, anọng maphyir mad-abina abe-obe ny’okkiramma fabẹ, makker-ẹ maa, odim z’ikkira njo ẹtaanga. 9 Ó̱de Mosẹs ikk’odima z’ikkira njo ẹtaanga, ebonọ m’ebina z’ẹrọng ẹsaka, ebe odudum ny’ikkiramma, nya ch’Ọvaar Ibinọkpaabyi im’ọgbaak odik ọmaana Mosẹs. 10 K’ogbe kpenamkpen kw’anọng mbo maze ebonọ ndo ch’ebe odudum ny’ikkiramma njo, ọnọng-ọnọng m’obina obe-obe ny’ikkiramma sẹ k’ikpukpobha. 11 Ọvaar Ibinọkpaabyi obe Mosẹs ny’ititika, ọgbaak odik ọmaan-ẹ mach’ọnọng ọd-ọgbaak odik ọnang oyok-odikkobh. Minna kw’Mosẹs m’ọkpa nnam z’ibhinga-byi. Okenaka , kw’ode nwa kw’, odikkobhnwa kw’od-otor Mosẹs masi ọtọhm, od-oninga ny’ikkira njo mach’oning nya.

Mosẹs oze abarada p’Ọvaar Ibinọkpaabyi

12 Mosẹs oben Ọvaar Ibinọkpaabyi bẹ́, "Kọ ad-aben-m bẹ́, ntima anọng mboma eden. Okenaka, kaam ọnọng atima ateka kw’mm’ọtọn. Kọ kk’abena bẹ́, ‘Kaam nzong eche chọ, kọ kk’owujibh kwaam ayena.’ 13 Ó̱de ayen ottemdaam amaan-m k’odik ọkkọkka, tibh-m nden sọ, ọfha nzong-ọ, mbir nchina ororo nyena owujibh kwọ. Jima bẹ́, ẹkọma nda ede anọng pọ."

14 Ọvaar Ibinọkpaabyi ọpọhn-ẹ bẹ́, "Kaam oyenẹ m’nzenga mmaan-ọ, mbir nnang-ọ ẹwọhngkwoka." 15 Nya o, Mosẹs oben-ẹ bẹ́, "Ó̱de ina mina mazenga amaana, mina ọbọhk katte mobina m’ibyi nja. 16 Yen wọ kw’ọnọng motima ozonga bẹ́, kọ ayen ottemdaam amaana kaam ọttara anọng pọ, kw’ọkpanẹ bẹ́ m’azenga amaana mina o? Bọng-ọttọhk vọ im’ọkọhka bẹ́, kaam ọttara anọng pọ, m’ode nkọmẹ z’anọng mboza p’iyagbin?"

17 Ọvaar Ibinọkpaabyi oben Mosẹs bẹ́, "Kaam m’nsi ọttọhk mvo f’ikk’aam aphyema, okurọ bẹ́, kaam nyen ottemdaam mmaan-ọ, mbira nzong-ọ k’eche."

18 Mosẹs o, oben-ẹ bẹ́, "Ototo, kọhk-m abarada pọ."

19 Ọvaar Ibinọkpaabyi oben bẹ́, "Kaam m’nsọ-ọ aze ajibhada paam maphyir, mbir nsi ẹyaakẹ ch’eche chaam, ch’ede Ọvaar Ibinọkpaabyi, nnang-ọ. Kaam m’nyena ikwosisi mmaana ọnọng kw’ọbaan ikwosisi, ọnọng kw’ọbaana bẹ́, nzẹ-ẹ okwo, kaam m’mbir nzẹ-ẹ okwo." 20 Okenaka, Ọvaar Ibinọkpaabyi oben-ẹ bẹ́, "Kọ ititika saam màkpo aze, okurọ bẹ́, ọnọng kode kw’im’oze ititika saam, oninga akpen."

21 Ọvaar Ibinọkpaabyi obir oben bẹ́, "Ibyi ining ma s’inyọm-m s’im’abe k’ẹtakpa. 22 K’ogbe kw’abarada paam m’akpan, kaam m’nsok-ọ z’ọtakpamma, mbir ntima ọbọhk kwaam mbubh-ọ maa, mkpan. 23 Ch’im’ntinẹ ọbọhk kwaam, kọ m’aze nnam saam jẹ-jẹ, okenaka, ititika saam màze."

Pessoa
H85
Abraão
אַבְרָהָ֔םavərahamΑβρααμAbraam
Abraão, chamado por Deus, deixou a sua terra rumo a Canaã, recebeu a promessa de ser pai de muitas nações e foi pai de Isaque, o filho da promessa (Gênesis 12:1).
Significado: “Pai de uma multidão”
Ver página completa
Pessoa
Tribo de Efraim
Josué
יְהוֹשֻׁעַyəhoshuaἸησοῦIēsoû
Josué, filho de Num e servo de Moisés, sucedeu-o na liderança, fez Israel atravessar o Jordão, conquistou Jericó e repartiu a terra de Canaã entre as tribos (Josué 1:1).
Significado: “O Senhor é salvação”
Ver página completa
Pessoa
Tribo de Efraim
Num
נוּן֙nun
Num foi o pai de Josué, o servo de Moisés que conduziu Israel na conquista de Canaã (Êxodo 33:11).
Significado: “Peixe, portanto fértil, produtivo”
Ver página completa
Todos os capítulos de Nnwẹr kw'Ozenga 40
  1. 1
  2. 2
  3. 3
  4. 4
  5. 5
  6. 6
  7. 7
  8. 8
  9. 9
  10. 10
  11. 11
  12. 12
  13. 13
  14. 14
  15. 15
  16. 16
  17. 17
  18. 18
  19. 19
  20. 20
  21. 21
  22. 22
  23. 23
  24. 24
  25. 25
  26. 26
  27. 27
  28. 28
  29. 29
  30. 30
  31. 31
  32. 32
  33. 33
  34. 34
  35. 35
  36. 36
  37. 37
  38. 38
  39. 39
  40. 40

Estes versículos te tocaram? Ore agora!

+581 estão orando agora.

Junte-se à corrente de oração.