Lucas 19

Yesu akovela na kasingimiko mu Yelusalema

28 Omo Yesu uamanuisile kuhandeka evi, kaha uayile kulutue luavo nakuya ku Yelusalema. 29 Omo Yesu uahetele kuyehi na Mbetefanje na Mbetaniya ku munkinda ua Oliveta, kaha uatumine vandongisi vavali kulutue uavalekele nguendi, 30 "Yeni ku limbo lije lili kulutue lueni, omo mukakovelamo mukauana muna cimulu vanamukutu, uje kanda muntu alondeho. Kaha muzituleni mumunehe kuno." 31 Nga muntu umo amihula nguendi vika mumuzituila, mulekeni ngueni Muene amutonda.

32 Kaha vaje vavatumine vayile vakauanene ngue muje muahandekelele Muene. 33 Tele vacili nakuzitula uje muna cimulu, kaha vavenia cimulu uavehuile nguendi, "Vika mumuzituila ou muna cimulu?"

34 Kaha vamutavele nguavo, "Muene ali nakumutonda." 35 Vatualele uje muna cimulu kuli Yesu. Kaha vajalele tuzaku tuavo ha muongo uendi, kaha Yesu ualondeleho. 36 Omo uakele nakuya ha cimulu, vantu vajalele tuzaku tuavo mu ngila. 37 Omo Yesu uahetele kuyehi na Yelusalema, ku cikulo ca munkinda ua Oliveta, kaha civunga cacingi ca vandongisi vendi vaputukile kuvuahelela na kushangazala Njambi na mezi akama ha vikomoueso vioshe viakama vivamuene vije vialingile Yesu, 38 nguavo, "Uakukuisula muene uje eja mu lizina lia Muene Njambi! Ciyulo muilu na vumpau kuli Njambi!"

39 Vafaliseho vamo vaje vakele mu civunga vahandekele kuli Yesu nguavo, "Mulongisi, shika vandongisi vove linga vaholoke"

40 Yesu uavakumbuluile nguendi, "Njimileka nguange, nga ava vakaholoka kaha aua mavue akaputuka kutambakana."