ଆଦି 27

41 ଇ ବାନି ଜାକୁବ ତା ଲାତ୍ରାହି ତାଂ ଆର୍ସିବାଦ୍‌ ପାୟାତି କାଜିଂ ଏସାଉ ତା କାଜିଂ ଡାରାଜ଼ି ମାନେ ମାନେ ବାବିକିତାନ୍‌, "ନା ଆବାତି ଦୁକ୍‌କିନାକା ହମାନ୍‌ ଏକାତାତ୍‌, ତାପାଚେ ଆନ୍‌ ନା ଟଣ୍ଡେନ୍‌ ଜାକ୍‌ବତିଂ ଅହ୍‌ନାଙ୍ଗ୍‌ ।" 42 ମତର୍‌, ପାଣ୍‌ୱା ମାଜ଼ି ଇବାର୍ତି କାତା ରିବିକାତି କିତୁଲ୍‌ତ ହାଚାତ୍‌; ପାଚେ ମାନାୟ୍ ପକ୍‌ଚି ହାରୁ ମାଜ଼ି ଜାକୁବଙ୍ଗ୍‌ କୁକିକିଜ଼ି ଇଚାତ୍‌, "ହୁଡ଼ା, ନି ଟଣ୍ଡେନ୍‌ ଏସାଉ ନିଂ ଅସ୍ତେଦେଂ ମାନ୍ତ ଜିଦ୍‌ କିତାନ୍ନା । 43 ଇଦାଂକାଜିଂ, ମାଜ଼ି ନା କାତା ୱେନା; ଏନ୍‌ ହାରଣ୍‌ ଗାଡ଼୍‌ଦ ହନ୍‌ଚି ନା ଟଣ୍ଡେନ୍‌ ଲାବନ ଲାଗାୟ୍‌ ହାଲା । 44 ଆରେ, ଏଚେକ୍‌ପାତେକ୍‌ ନି ଟଣ୍ଡେନ୍‍ତି ଜବର୍‌ ରିସା କମାୱିତିସ୍‌, ହେପାତେକ୍‌ କେତ୍‌ଦିନ୍‌ ହେବେ ମାନା; 45 ଇଦାଂପାଚେ ନି କାଜିଂ ନି ଟଣ୍ଡେନ୍‌ତି ରିସା କମାତିସ୍‌ ଆରି ଏନ୍‌ ତା କାଜିଂ ଇନାକା କିତାୟ୍‌ନା, ହେଦାଂ ହେୱାନ୍‌ ବାଣାତିସ୍‌, ଆନ୍‌ ଲକ୍‌ ପକ୍‌ଚି ହେବେତାଂ ନିଂ ତାହିକିଦ୍‌ନାଙ୍ଗ୍‌; ର ନାଞ୍ଜିଙ୍ଗ୍‌ ରିୟାରିଙ୍ଗ୍‌ ଇନେକିଦେଂ ଆରାୟ୍ କିଦ୍‌ନାଙ୍ଗ୍‌ ?"