ଆଦି 45

ଟଣ୍ଡାରିଙ୍ଗ୍‌ ଜସେପତି ଜାଣାଚିଣା ହିନାକା

1 ଇବେଣ୍ଡାଙ୍ଗ୍‌ ଜସେପ୍ ତା ଲାଗାୟ୍‌ ନିଲ୍‌ତି ମାନାୟ୍‌ ମୁମ୍‌ଦ ଜାର୍ତି ସାମାଲି କିଦେଂ ଆଡ୍‌ୱାଦାଂ ଗାଜାକାଟାତାଂ ଇଚାନ୍‌, "ନା ମୁମ୍‌ଦାଂ ସବୁ ମାନାୟ୍‌ତିଂ ହପାଟ୍‌ ।" ପାଚେ ଇନେର୍‌ ପା ତା ଲାଗାୟ୍‌ ହିଲ୍‌ୱିତିଲେ, ଜସେପ୍ ଟଣ୍ଡାହିର୍‌ତି ମୁମ୍‍ଦ ତା ଜାଣାଚିନା ହିଦେଂ ଲାଗାତାନ୍‌ । 2 ହେୱାନ୍‌ ଗାଜାକାଟ୍‌ତାଂ ଏଲେଙ୍ଗ୍‌ ଆଡ଼୍‌ବାତାନ୍‌ ଜେ, ମିସ୍ରିୟର୍‌ ଆରି ପାରତି ଇଞ୍ଜିନି ମାନାୟାର୍‌ ହେଦାଂ ୱେଞ୍ଜେଙ୍ଗ୍‌ ଆଡ଼୍‌ତାର୍‌ । 3 ଜସେପ୍ ତା ଟଣ୍ଡାରିଙ୍ଗ୍‌ ଇଚାନ୍‌, "ଆନ୍‌ ଜସେପ୍; ମାଞ୍ଜ୍‌ବା ଇନାକା ନେଞ୍ଜେଙ୍ଗ୍‌ ପାତେକ୍‌ ଜିତାନ୍ନା ?" ଇବେଣ୍ଡାଙ୍ଗ୍‌ ତା ଟଣ୍ଡାହିର୍‌ ତା ମୁମ୍‌ଦ ପାଣ୍ଡ୍ରାତିଲେ ମୁଡ଼୍‌କେ ଉତର୍‌ ହିଦେଂ ଆଡ୍‌ୱାତାର୍‌ ।