6 ଇଦାଂପାଚେ ଆରେ ଚାଲିସ୍‌ ଦିନ୍‌ ପାଚେ ନହ ନିଜେ ରଚ୍‌ଚି ଜାଜ୍‌ନି ଜାଡ଼ାକା ଜେତାନ୍‌; 7 ଆରେ ର ଗାଡ଼୍‌ କାୱାତିଂ ଉପ୍‌ତାନ୍‌, ହେବେ ପୁର୍ତିନି ଏଜ଼ୁଙ୍ଗ୍‌ ୱାଚ୍‌ନି ପାତେକ୍‌ ହେଦାଂ ଇଟାଂହାଟାଂ ବୁଲାତାତ୍‌ । 8 ଆରେରଗ, ନହ ବୁମିତ ଏଜ଼ୁଙ୍ଗ୍‌ ଉଣା ଆତାକା ବୁଜାନି କାଜିଂ ରଞ୍ଜାଙ୍ଗ୍‌ ପାର୍‌ୱା ଉପ୍‌ତାନ୍‌; 9 ହେଏଚେକାଡ଼୍‌ଦ ପୁର୍ତି ଏସ୍‌ବାର୍ତି ମାଚିଲେ ପାର୍‌ୱା ଜାର୍‌ ପାନା ଇଡ଼୍‌ଦେଂ ବାହା ଗାଟାୱାଦାଂ ଜାଜ୍‌ତ ତା ଲାଗାୟ୍‌ ମାସ୍‌ଦି ୱାତାତ୍‌; ତାପାଚେ ହେୱାନ୍‌ କେଇଁ ଲାମାୟ୍‌କିସି ତାଂ ଆସ୍ତି ଜାଜ୍‌ ବିତ୍ରେ ଜାର୍‌ ତାକେ ତାଇୱାତାନ୍‌ । 10 ଆରେ ସାତ୍‌ ଦିନ୍‌ ମାଲାତି ପାଚେ ହେୱାନ୍‌ ହେ ପାର୍‌ୱାତିଂ ଆରେରଗ ଜାଜ୍‌ତାଂ ଉପ୍‌ତାନ୍‌; 11 ହେବେ ପାର୍‌ୱା ମ୍ଡିକାହାରେସ୍‌ ତା ଲାଗାୟ୍‌ ମାସ୍‌ଦି ୱାତାତ୍‌; ଆରେ ହୁଡ଼ାଟ୍‌, ତା ଅଟିତ ଜିତ୍‌ ମାର୍‌ନି କୱାଣ୍‌ ଆକି ମାଚାତ୍‌; ଲାଗିଂ ପୁର୍ତିନି ଏସ୍‌ ଉଣା ଆତାତ୍ନା, ଇଦାଂ ନହ ପୁଚାନ୍‌ । 12 ଆରେ ସାତ୍‌ ଦିନ୍‌ ମାଲାଜ଼ି ହେୱାନ୍‌ ହେ ପାର୍‌ୱାତିଂ ଆରେରଗ ଉପ୍‌ତାନ୍‌, ମତର୍‌ ହେଦାଂ ଆରେରଗ ହେୱାନ୍ତି ଲାଗାୟ୍‌ ମାସ୍‌ଦି ୱାୱାତାତ୍‌ଦେ ।