Atos 8

1 Hela hela Asauli akachibhona chikubho hecho cha kwaakoma Asitefano kubhee chammbone.

Bhandu bhabhanhobhalela Akilisito bhatendakulagikwa

Lichobha helyo lilubhalo lya bhandu bhabhahobhalile Akilisito bha ku Yelusalemu likajemeka kulaga muno. Bhandu bhabhahobhalela Ayesu bhoha, pangabhe tu bhenibhala akandundame, bhakajenelanga mu chehemu ja mmigonda ya ku Samalia.