12 Pabhakibha bhatenda kujingila mu chijiji chimo, bhakakongana na bhandu komi bhabhakibhanga na itamwa ya mambujupuju. Na bhenaangota bhakajemanga kutali, 13 bhakakwe lilobhe, bhakaalobholela, "Ayesu, Hangwana, ntukolee kiha!" 14 Pabhakabhonanga bhakaalobholelanga, "Nnyaulange nkachilangiange kwa akaakung’i." Nabhena pabhakibhanga nndela bhabhi kujaula, bhakalamanga itamwa yabhenji na kondekwa handa chiiyobhalilike kwa kujopa. 15 Jumo jwabhenji pakabhona kubhee bhalamite, bhakabhuja kongo bhabhikwaalumbalila Annoongo, kwa lilobhe likolongwa. 16 Bhakachijeha pa makongono ga Ayesu na kwaachukulu. Amundu bhenabho bhakibha Amsamalia. 17 Henela Ayesu bhakaakonya, "Bholi, nangaalamianga bhandu komi na bhenaangota bhakakondekwa handa chiiyobhalilike ja kwaajopa? Bholi bhabhilinge koji bhenibhala tisa? 18 Bhakwa hata bhamo bhabhabhonikine bhabhikubhuja kwaatopea Annoongo nga habha ageni tu?" 19 Ngapena Ayesu bhakaalobholela, "Nnyimuke nnyaule kwaachinu, kuhobhalela kwinu kutekunnamia."