Lucas 18

Kulandanikia kwa Amfalisayo na atocha kodi

9 Ngapena Ayesu bhakaabholelanga kwa kulandanikiha, bhandu yakubhee bhabhachibhonanga kubhee bhatendakondekwa nnongi ja Annoongo na bhabhaabheluanga bhangi, bhakalobhola. 10 "Bhandu bhabhele bhakajaulanga mu Nyuumba ja Annoongo kujopa, jumo jwabhenji bhakibha Amfalisayo na jongi bhakibha antocha kodi. 11 Bhenibhala Amfalisayo bhakajema, chibhabhile bhene bhakalobhola, Annoongo, ndendakunchukulu kwakubhee nenga ngabha handa bhandu bhangi yakubhee, akaabhwihi, akaabhou na bhangoongola hata mmihopo handa atocha kodi habha. 12 Nenga ndendakutabha pa bhele kwa juuma, ndendakubhoa libhoga limo mu mabhoga komi ya hilebhe hiimbata. 13 Nambo bhenibhala antocha kodi bhakajema kwa kutalika, pangali hata kunyakula miho gabhe kunani kulihunde, bali bhakachipota pantima kwa kuhumala, bhabhikulobhola, mwee Annoongo, nngoole kiha nenga naakola mabhou. 14 Ayesu bhakaalobholelanga, ndendakunnobholelanga, habhabha antocha kodi bhakabhuja kaja bhakibha bhatekondekwa nnongi ja Annoongo kuliko bhenabho Amfalisayo. Kwakubhee bhohabhala bhabhachikwea bhapakutuluka, na bhohabhala bhapakutulukikwa bhapakwaakwea."