Lucas 2

Mwana Ayesu bhajaula pa Nyuumba ja Annoongo

41 Akaabhelei bha Ayesu bhakibhanga bhayobhalilinge kujaulanga Kuyesalemu kila chaaka wakati gwa lichobha likolongwa lya Pasaka. 42 Ayesu pabhakibha na yaaka komi na hibhele, bhakajaulanga pamo na nabho mu lichobha likolongwa handa chibhayobhalilike. 43 Achupu na Amalia pabhakajomolanga kuhangalala, bhakajemekanga ulendo gwa kubhujaanga kwachabheenji nambo Ayesu bhakaigalila Kuyeluchalemu pangali kuimanya akaabhelei bhabhenji. 44 Bhakaganikianga kubhehe bhakibha pamo na lilubhalo lya bhandu bhabhakibhanga mu hulendo, bhakajendanga muhi goha bahi bhakajemekanga kunnolehanga mwakaalongo bhabhe na mmagaanja. 45 Pabhakalepelanga kwabhona, bhakabhujanga ku Yelusalemu kwaalolea.

46 Lichobha lya tatu, bhakaakolela bhatamite pakati ja bhaalimu bhachelia pa Nyuumba ja Annoongo bhakibha atendakwaajonikia na kwaakonyanga machwali. 47 Bhoa bhabhakajoanga malobhe gakwe bhakakangachanga luunda lwabhe na namuna chibhatendita kwaajangulanga. 48 Akaabheli bhakwe pabhaakammona bhakakangachanga. Amaliamu anyongo bhabhe, bhakaakonya Ayesu, "Gwe mwanangu nga niki chintutendile henela? Nenga na atati bhinu tutendita kunnolea kongoni tubhile na bhooga." 49 Ayesu bhakaakonyanga, "Kwa niki ntenda konolea? Bholi mwangaimanya kubhehe mbaalikwa kubhehe pa Nyuumba ja Atati bhangu?" 50 Nambo akaabhelei bhabhe bhangaimanya maana gakwe gabhaalongililinge. 51 Ngapena Ayesu bhakabhuja pamo na bhenaangota mpaka ku Nazaleti, nambo anyongo akagabheka genago mu ntima gwakwe. 52 Nabhena Ayesu bhakapunda kukola mu malango na kutandamala, na kupunda kupaalikwa na Annoongo na bhandu.