Lucas 5

18 Pena bhandu teno bhakahikanga bhabhi bhaapetwile mundu jumo jwaapolite mmele kongo bhabhi bhanng’onike pachindanda, bhakalenganga kwaajingia nkati, bhaabheke nnongi ja Ayesu. 19 Nambo pabhakalepelanga kujingila nkati, ligongo lya kujimbika bhandu. Bahi bhakakwelanga nnani ja litatali lya nyuumba na bhakapobholanga mahali penipala pabhakibha Ayesu na kwaatulua jono ntamwa pamo na chindandaa chabhe, na bhakammeka nnoongi ja Ayesu. 20 Nabhena Ayesu pabhakabhona kuhobhalela kwaabhenji, bhakaalobholela bhena amundu, "Aganja ntekulekelelwa mabhou ginu." 21 Bhabhajigana malagilo ga Amusa na Mafalisayo bhakajemekanga kuchikonyanga, "Nga aganiki abhabha bhabhaaponja Annoongo? Jwakwa mundu jwakombola kulekelea mabhou ila nga Annoongo jika jabhe!" 22 Ayesu bhakahimanya kuganikiha kwaabhenji, bhakakonyanga, "Kwa niki ntenda kuganikihanga genago mu mumitima jinunji? 23 Nga chiniki chichibhi cha kupepeka muno, kulobhola, ‘Ntekulekelelwa mabhou ginu,’ au kulobhola, ‘Nnyeme nnyeende?’ 24 Bahi, mbala muhimanye kubhehe Mwana jwa Mundu bhatekola mamulaka gakulekelea bhandu mabhou gabhenji pachilambo." Penapo bhakaalobholela bhenibhala amundu jwapoolite mmele, "Nnyeme, ntole chindanda chinu, nnyabhule kwaachinu." 25 Pena, jono mundu jwaapolite mmele bhakajema nnoongi jabhenji, bhakatola chindanda chabhe chibhatendita kugolokela bhakajaula kwachakwe kongo bhabhi kwalumbalila Annoongo.