Isaias 40

10 Tingnan ninyo,

ang Makapangyarihang Panginoon

ay dumarating

upang ipamalas ang kanyang lakas,

at mamumuno siya na may kapangyarihan.

Paparating siyang dala

ang kanyang natamo,

ang kanyang gantimpala

ay naglalakad sa kanyang harapan.

11 Aalagaan niya ang kanyang

mga mamamayan gaya ng pastol

na nag-aalaga ng kanyang kawan.

Kinakarga niya ang maliliit na tupa

at maingat niyang pinapatnubayan

ang mga inahing tupa.