1 Chamwele 16

11 Peniya, Chamwele ngankonyita, "Bho, bhamba ndi yana ino ya kanjika?"

Yese ngajhangwila, "Nai jhe, amela abhii nchokombe kupeta bhoha, na jwenie alucha mambelele."

Chamwele ngalongila, "Ntuma mundo akakemwe, tutama jhe pahe ade papakuhika." 12 Bhahe, Yese ngantumita mundo, jwenie ngabhujhichwa. Kangombo jwenio akibha nkele na miho ghighahutii na jwahutila kukunnolekeya.

Peniya, Bhambo Chapanga ngannobholila Chamwele, "Jhenda mumiminile mahuta, nhwalo jhonjo ndi jwaninhagwile." 13 Bhahe, Chamwele ngatoila linyelo lilibhii na mahuta gha micheitune nukumiminila Daude nnonge jha akalongo mundo, kutumbulii lichiko lyenio nu kujhendelela uhuke gwa Bhambo Chapanga ngunhikilila Daude kwa makakala nukutama ngate jhake. Peniya, Chamwele ngakelehwika ku Lama.