18 Nuuko haaza abagabo baheetse umurema mu ngobyi, bashaaka uburyo baamushikiriza Yesu, 19 ariko ntibabishobora kuko abantu baari benshi caane. Nuuko babuze uburyo bamwinjiza, buurira inzu5:19 Muri ico gihe, abantu bo mu Isirayeri buubakaga amazu y’impara kandi afite amadaara hanze yo kuuririraho baja heejuru y’inzu. basambuuraho amatebura make, bamwururutsa mu ngobyi bamushira hagati y’abantu imbere ya Yesu.
20 Aboonye kwizeera kwabo kwinshi, abwira uwo murema ati, "Nshuti yanje ibyaha byawe urabibabariwe."
21 Abafarisaayo n’abiigiishamategeko batangira kubazanya bati, "Uyu ni nde wigereranya n’Imaana? Imaana yoonyine si yo ishobora kubabarira ibyaha?"
22 Yesu amenye ibiteekerezo byabo arababaza ati, "Kuki muteekereza mutyo? 23 Mbese icooroshe ni ikiihe? Ni ukuvuga ngo ibyaha byawe urabibabariwe, cangwa ngo haguruka ugende? 24 Ariko ndababwira yuuko Umwana w’Umuntu afite ububaasha bwo kubabarira ibyaha kuri iyi si." Yesu abwira uwo murema ati, "Haguruka, wikorere ingobyi yaawe ugende." 25 Ako kaanya uwo mugabo arabaduka afata ingobyi ye boose babireeba, asubira iwe ahimbaaza Imaana.
/images/a/Tcg2NiV7ce24OT6kCIQGR)
/images/a/a0208299-6f37-40a0-66e1-2576b9435f00)