Mateus 8

Yesu anguyikatukitsa mavimbi makomi

23 Kaha Yesu akakwinaje mu mutumbwi hamwe na vadahitswa vake. 24 Simusika, kukahumilaje ng’ala ngomi na mavimbi gakantsaje kugukunujitsa mutumbwi, na mutumbwi gula gukantsaje kugubikitswa na malenga, lechelelo Yesu avaga avasise tulo. 25 Vadahitswa vake vakabitaje kumulamusa na kumulonjela kuta, "Mutwa, utukuluse, tunkufwa!" 26 Yesu akavalonjelaje, "Henye vanya litumbilo lidodo munkogopa chinu chachi?" Akinukaje na akayikatukitsaje yila ng’ala na bahali, kukasichimalaje. 27 Vadahitswa va Yesu vakavaje na muloto ndalahela na vakiputsaje, "Mbe, yuno munu vachi mbaka ng’ala ngomi na mavimbi fingumuhulikitsa?"