PHUNGTANGBYA 5

3 Pawccecize nopi hoyleipaw munglae tuh

khoitui hawte ccaw zah,

a byaho tuh chitui laeze anawpali hua,

4 thuasalama athangnaw kya tuh

ekhahpaw hawte khah zah,

kyng ning mawte ahepaw thaloi hawte ahe.

5 A ccu tuh chinaw kalan cceihbung zah,

a ccu a kawpaw tuh michi khua lang

cceihpaw laanpi kha nynh a zui.

6 Hiinnaw laanpi langkhe zui khyh;

a laanpi tuh vaevui zah,

aning nynh tuh-e tuh nyh khyh.

7 Te atu, ka ccaaw, ka bya hynh ngae lah,

ka khalang kya-e bya hae kha vua nan.

8 Tuhcihawpaw nopi kha

asawnaw te sibia lah,

a inn thuakaw pe lang naekuh nan;

9 tuhkhyhze tuh sawtuanaw

na ccoupaw kha ming hae kalan

na pya cih hae zah,

na hiinnaw kha thawccinaw

a hoi lei hae paw kalan na pya cih hae,