पशहूर के जरिये यिर्मयाह का सताया जाणा
1 जिब यिर्मयाह या भविष्यवाणी कर रह्या था, फेर इम्मेर का बेट्टा पशहूर नै जो याजक अर यहोवा के भवन का प्रधान रुखाळा था, वो सारा किमे सुण्या। 2 फेर पशहूर नै यिर्मयाह नबी ताहीं मारया अर उसनै उस काठ म्ह गेर दिया जो यहोवा के भवन के उप्पर बिन्यामीन कै फाटक कै धोरै सै।20:2 इब्रा. 11:36 3 सबेरै नै जिब पशहूर नै यिर्मयाह ताहीं काठ म्ह तै लिकड़वाया, फेर यिर्मयाह नै उसतै कह्या, "यहोवा नै तेरा नाम पशहूर न्ही मागोर्मिस्साबीब20:3 मागोर्मिस्साबीब च्यांरु और भय धरया सै। 4 क्यूँके यहोवा नै या कह्या सै, देख, मै तेरे ताहीं तेरे खात्तर अर तेरे सारे दोस्तां कै खात्तर भी डर का कारण ठहराऊँगा। वे अपणे बैरियाँ की तलवार तै तेरे देखदे ए हत्या करे जावैंगे। अर मै सारे यहूदियाँ ताहीं बाबेल के राजा कै बस म्ह कर दियुँगा; वो उननै कैदी कर बाबेल म्ह ले जावैगा, अर तलवार तै मार देवैगा। 5 फेर मै इस यरुशलेम नगर कै सारे धन ताहीं अर इस म्ह की कमाई अर सारी अनमोल चिज्जां ताहीं अर यहूदा के राजाओं का जितना धरया होया धन सै, उस सारया ताहीं उनके दुश्मनां कै बस म्ह कर दियुँगा; अर वे उस ताहीं लूट कै अपणा कर लेवैंगे अर बाबेल म्ह ले जावैंगे। 6 अर, हे पशहूर, तू उन सारया समेत जो तेरे घर म्ह रहवै सैं गुलाम्मी म्ह चल्या जावैगा; अपणे उन दोस्तां समेत जिन ताहीं तन्नै झूठ्ठी भविष्यवाणी करी, तू बाबेल म्ह जावैगा अर ओड़ैए मरैगा, अर ओड़ैए तेरे ताहीं अर उन ताहीं भी माट्टी दी जावैगी।"
यिर्मयाह की शिकायत
7 हे यहोवा, तन्नै मेरे ताहीं धोखा दिया, अर मन्नै धोखा खाया; तू मेरे तै ताकतवर सै, परमेसवर नै यिर्मयाह ताहीं इसा जकड़ा के वो भविष्यवाणी की जरूरत तै बच न्ही पाया। वो तो बिरोध करणा चाहवै था पर परमेसवर हावी होया। इब हर कोए मेरे तै मजाक करै सैं। 8 क्यूँके जिब मै बात करुँ सूं, फेर मै जोर तै पुकार-पुकारकै ललकारुँ सूं, "उड़दंग अर उड़दंग होया, हाँ उड़दंग!" क्यूँके यहोवा का वचन दिन भर मेरे खात्तर निन्दा अर मजाक का कारण होन्दा रहवै सै। 9 जै मै कहूँ, "मै उसकी चर्चा ना करुँगा ना उसके नाम तै बोलूँगा," तो मेरे हृदय की इसी दशा होवैगी मानो मेरी हड्डियाँ म्ह धधकती होई आग हो, अर मै अपणे आप ताहीं रोकदे-रोकदे थक ग्या पर मेरे पै रह्या न्ही जान्दा।20:9 1 कुरि. 9:16 10 मन्नै घणखरयां कै मुँह तै अपणी निन्दा सुणी सै। च्यांरु ओड़ डर ए डर सै! मेरी जाण-पिछाण के सारे जो मेरे ठोक्कर खाण की बाट देक्खै सैं, वे कहवै सैं, "उसके दोष बताओ, फेर हम उनकी चर्चा फैला देवैंगे। शायद वो धोखा खावै, तो हम उसपै हावी होकै, उसतै बदला लेवैंगे।" 11 पर यहोवा मेरे गैल सै, वो भयंकर वीर की तरियां सै; इस कारण मेरे सताण आळें हावी ना होवैंगे, वे ठोक्कर खाकै गिरैंगे। वे बुद्धि तै काम न्ही करदे, इस करकै उननै घणा शर्मिन्दा होणा पड़ैगा। उनकी बेजती सदा बणी रहवैगी अर कदे भूल्ली ना जावैगी। 12 हे सेनाओं के यहोवा, हे धर्मियाँ नै परखण आळे अर हृदय अर मन के जाणकार, जो बदला तू उनतै लेवैगा, उसनै मै देक्खूँ, क्यूँके मन्नै अपणा मुकद्दमा तेरे उप्पर छोड़ दिया सै।
13 यहोवा के खात्तर गाओ20:13 यहोवा के खात्तर गाओ यिर्मयाह की बाहरी दशा ना बदलण आळी थी पर वो परमेसवर पै बिश्वास म्ह शान्ति पावै था।; यहोवा की स्तुति करो! क्यूँके वो गरीब माणस की जान नै कुकर्मियाँ के हाथ तै बचावै सै।
यिर्मयाह की फेर तै शिकायत
14 श्रापित हो वो दिन जिस म्ह मै पैदा होया! जिस दिन मेरी माता नै मेरे ताहीं जन्म दिया वो धन्य ना हो! 15 श्रापित हो वो आदमी जिसनै मेरे पिता ताहीं या खबर देकै उस ताहीं घणाए खुश करया के तेरै छोरा पैदा होया सै। 16 उस आदमी की हालत उन नगरां की जिसी हो जिन ताहीं यहोवा नै बिना दया के ढ़ा दिया; उसनै सबेरै तो चिल्लाहट अर दोपहर म्ह युद्ध की ललकार सुणाई दिया करे, 17 क्यूँके उसनै मेरे ताहीं गर्भ म्ह ए ना मारया के मेरी माँ का पेट ए मेरी कब्र होन्दी, अर मै उसे म्ह सदा पड़या रहन्दा। 18 मै क्यूँ उड़दंग अर शोक भोग्गण कै खात्तर जाम्या अर के अपणे जीवन म्ह मेहनत अर दुःख देक्खूँ, अर अपणे दिन बदनामी म्ह गुजारुँ?