यिर्मयाह 47

पलिश्तियाँ के खिलाफ भविष्यवाणी

1 मिस्र के राजा के जरिये गाज़ा नगर ताहीं जीत लेण तै पैहले यिर्मयाह नबी कै धोरै पलिश्तियाँ कै बारै म्ह यहोवा का यो वचन पोहच्या 2 "यहोवा न्यू कहवै सै के देक्खो, उत्तर दिशा तै उमड़ण आळी नदी*47:2 उमड़ण आळी नदी सेना के फायदे साझेदारी के खात्तर इस्तमाल करया गया उदाहरण सै। देश नै उस सारे समेत जो उस म्ह सै, अर बासिन्दया समेत नगर ताहीं डुबा लेवैगी। फेर माणस चिल्‍लावैंगे, बलके देश के सारे रहण आळे हाय-हाय करैंगे। 3 पलिश्तियाँ की ताकतवर घोड़यां की टाप, रथां की रफतार चालण अर उनके पहियाँ के चालण का शोर-सराबा सुणकै पिता के हाथ-पाँ इसे ढील्‍ले पड़ जावैंगे, के वो मुँह मोड़कै अपणे बाळकां नै भी ना देक्खैगा। 4 क्यूँके सारे पलिश्तियाँ कै नाश होण का दिन आवै सै*47:4 नाश होण का दिन आवै सै उजाड़े जाण का दिन आवै सै।; अर सोर अर सीदोन के सारे बचे होए साथ देणीये मिट जावैंगे। क्यूँके यहोवा पलिश्तियाँ नै जो कप्तोर नाम का समुन्दर तट के बचे होए रहण आळे सैं, उननै भी नाश करण पै सै। 5 गाज़ा के माणस सिर मुँण्डवावै सैं, अश्कलोन जो पलिश्तियाँ कै नीचान म्ह एक्ला ए रहग्या सै, वो भी मिटाया गया सै; तू कब ताहीं अपणा शरीर चीरदा रहवैगा?"

6 "हे यहोवा की तलवार! तू कब ताहीं शान्त ना होवैगी? तू अपणी म्यान म्ह घुस जा, शान्त हो, अर रुकी रह! 7 तू किस तरियां थम सकै सै? क्यूँके यहोवा नै तेरे ताहीं हुकम देकै अश्कलोन अर समुन्दर तट के खिलाफ ठहराया सै।"