यिर्मयाह की सलाह ना मानणा
1 जिब यिर्मयाह उनके परमेसवर यहोवा के सारे वचन कह चुक्या, जिन ताहीं कहण के खात्तर परमेसवर नै यिर्मयाह ताहीं उन सारे माणसां के धोरै भेज्या था, 2 फेर होशायाह के बेट्टे अजर्याह अर कारेह के बेट्टे योहानान अर सारे घमण्डी माणसां नै यिर्मयाह तै कह्या, "तू झूठ बोल्लै सै। म्हारे परमेसवर यहोवा नै तेरे ताहीं या कहण कै खात्तर न्ही भेज्या के ‘मिस्र म्ह रहण कै खात्तर ना जाओ;’ 3 पर नेरिय्याह का बेट्टा बारूक तेरे ताहीं म्हारे बिरुध्द उकसावै सै के हम कसदियाँ कै हाथ म्ह पड़े अर वे म्हारे ताहीं मार देवैं या कैदी बणाकै बाबेल म्ह ले जावै।" 4 इस करकै कारेह का बेट्टा योहानान अर दलां के सारे प्रधान अर सारे माणसां नै43:4 सारे माणसां नै अनेक यहूदी न्ही चाहवै थे पर उनके नजदीकी प्रधानां नै उन ताहीं मिस्र जाण खात्तर मजबूर करया। यहोवा का यो हुकम ना मान्या के वे यहूदा के देश म्ह ए रहवै। 5 पर कारेह का बेट्टा योहानान अर दलां के और सारे प्रधान उन सारे यहूदियाँ ताहीं जो गैर जातियाँ कै बीच आस्सै-पास्सै होगे थे, अर उन म्ह तै बोहड़कै यहूदा देश म्ह रहण लाग्गे थे, वे उननै लेगे 6 माणस, जनान्नी, बाल-बच्चे, राजकुमारियाँ, अर जितने प्राणियाँ ताहीं अंगरक्षकां के प्रधान नबूजरदान नै गदल्याह ताहीं जो अहीकाम का बेट्टा अर शापान का पोत्ता था, सौंप दिया था, उननै अर यिर्मयाह नबी अर नेरिय्याह के बेट्टे बारूक ताहीं वे लेगे; 7 अर यहोवा का हुकम ना मानकै वे मिस्र देश म्ह तहपन्हेस नगर म्ह आ गए।
मिस्र म्ह माणसां कै खात्तर परमेसवर की निशान्नी
8 फेर यहोवा का यो वचन तहपन्हेस म्ह यिर्मयाह कै धोरै पोहच्या 9 "अपणे हाथ तै बड़े पत्थर ले, अर यहूदी माणसां कै स्याम्ही उस ईट के चबूतरे म्ह जो तहपन्हेस म्ह फिरौन के भवन के दरबाजे कै धोरै सै, चूना फेरकै छिपा दे, 10 अर यहूदा के माणसां तै कह, ‘इस्राएल का परमेसवर, सेनाओं का यहोवा, न्यू कहवै सै: देक्खो, मै बाबेल के राजा अपणे सेवक नबूकदनेस्सर ताहीं बुलावा भेज्जूँगा, अर वो अपणा सिंहासन इन पत्थरां के उप्पर जो मन्नै छुपा राक्खे सैं, धरैगा; अर अपणा छत्र इनकै उप्पर तणवावैगा43:10 प्रका. 13:10। 11 वो आकै मिस्र देश नै मारैगा, फेर जो मरण आळे हों वे मौत कै बस म्ह43:11 मौत कै बस म्ह हर एक माणस अपणी किस्मत के मुताबिक या तो काळ तै मरैगा या महामारी तै या युद्ध म्ह या कैदी बणाया जावैगा या हत्यारे के जरिये मारया जावैगा।, जो कैदी होण आळे हों वे गुलाम्मी म्ह, अर जो तलवार कै खात्तर सै वे तलवार कै बस म्ह कर दिए जावैंगे। 12 मै मिस्र के देवालयां म्ह आग लगाऊँगा; अर वो उननै फुँकवा देवैगा अर गुलाम्मी म्ह ले जावैगा; अर जिसा कोए पाळी अपणा कपड़ा ओढ़ै सै, उसाए वो मिस्र देश ताहीं समेट लेवैगा; अर फेर बेखटके चल्या जावैगा। 13 वो मिस्र देश के सूर्यगृह के खम्भ्यां ताहीं तोड़ देवैगा; अर मिस्र के देवालयां ताहीं आग लगाकै फुँकवा देवैगा।’"