1 तेबे शूही शईरो रे बिल्ददे ये ज्वाब दित्तेया,

2 "परमेशर ई राज करोआ, ओर संसारो दे आपणियां तँईं पग्ति पैदा करोआ।

से आपणे सबी ते ऊच्चे स्वर्गो दे शान्ति राखोआ।

3 कोई बी तेसरिया सेना*25:3 स्वर्गदूत री गिणती नि करी सकदा

ओर एड़ा कुण ए जेस पाँदे तेसरा प्रयासा नि चमकदा?

4 तेबे माणूं परमेशरो री नजरा रे तार्मिक किंयाँ ठईरी सकोआ?

एड़ा कुणा जो परमेशरो रिया नजरा दे पवित्र ठईरो?

5 देखो, चाँद बी परमेशरो री नजरा रे न्हेरा ई ठईरोआ

ओर तारे बी बिना प्रयासे रे जे ई ठईरोए।

6 तेबे माणूंआ री क्या गिणती! से तो कीड़ा ए,

ओर माणूं कंसल़ोई जेड़ा ए!"