ኤርማሳ 19:2-6

Em outras traduções

1. DFBLVL Geeshsha Mas'aafaa

   2 Kon"aa Me’uwaa Penggiyaa giyaa penggiyaa lank’k’iyaana aad’d’aade, Hinnooma Zanggaaraa ba; yaan taani new odiyaa k’aalaa awaaya.✝19:2 2 Kat. 23:10; Erm. 7:30-32; 32:34-35 3 Hawaadan yaaga; ‹Hinttenoo Yihudaa kaatetoo, hinttenoo Yerusaalame katamaa asatoo, Med’inaa Godaa k’aalaa sisite! Ubbaappe Wolk’k’aama Med’inaa Goday, Israa’eeliyaa S’oossay hawaadan yaagee; «Be’ite, sisiyaa ubbaw haytsaw iitiyaa palabaa ha biittaa bolla taani ahana. 4 Ayaw gooppe, asatuu taana aggeeddino; unttunttu woy unttunttu aawotuu, woy Yihudaa kaatetuu erenna hara s’oossatoo is’aanaa c’uwayiide yarshshiyaawaan ha sa’aa tunisseeddino. Unttunttu s’illo asatuwaa suutsaa ha sa’aan kuntseeddino. 5 K’ay taani unttuntta azazabeenabaa, woy odabeennabaa, woy ta wozanaan k’oppabeennabaa ootseeddino; unttunttu barenttu attuma naanatuwaa Ba’aalaw taman s’uuggiyaa yarshshuwaa ootsiide yarshshanaw, goyinniyaa d’ok’k’a sa’atuwaan yarshshiyaa sa’aa gimbbeeddino.✝19:5 Wog. 18:21 6 Hewaa diraw, ha sa’ay Toofeeta woy Hinnooma Zanggaaraa geetettiyaawe attiide, Shukaa Zanggaaraa yaagettiide s’eegettana gallassatuu yiino yaagee Med’inaa Goday.