ኤርማሳነ ትምቢትያ ኦድያ ሀናንያ
1 ሄ ላይ፥ ይሁዳ ካቲ ሰደቅያስ ካዉተ ዶሜዳ ሄራን፥ ኦይደን ላይን፥ እቼሸን አግናን ጋባኦናፐ ዬዳ አዙራ ናአይ ትምቢትያ ኦድያ ሀናኒ፥ መና ጎዳ ጎልያን ቄሳቱ ዋነ አሳቱዋ ኡባ ስንን ታዉ ሀዋዳን ያጊደ ሃሳዬዳ፤28:1 2 ካታ. 24:18-20፤ 2 ኦዱዋ 36:11-13 2 "ኡባፐ ዎልቃማ መና ጎዳይ፥ እስራኤልያ ጾሳይ ሀዋዳን ያጌ፤ ‘ታን ባብሎነ ካትያ ሞርገ ም መንና። 3 ባብሎነ ካቲ ናቡካዳናጾር ሀዋፐ ደንደ፥ ባብሎነ አፌዳ፥ መና ጎዳ ጎልያ ሚሻ ኡባ ታን ላኡ ላይ ግዶን ዛራደ፥ ሀ ሳኣ አሀና። 4 ቃይ ታን እዮአቄማ ናኣ ይሁዳ ካትያ እዮኣኪናካ፥ ይሁዳፐ ኦሞደቲደ፥ ባብሎነ ቤዳ አሳ ኡባ ዛራደ ሀ ሳኣ አሀና። አያዉ ጎፐ፥ ታን ባብሎነ ካትያ ሞርገ ም መንና። መና ጎዳይ ሀዋ ኦዳድ’ ያጌ" ያጌዳ።
5 መና ጎዳ ጎልያ ግዶን ኤቄዳ ቄሳቱ ዋነ አሳቱዋ ኡባቱዋ ስንን ትምቢትያ ኦድያ ኤርማስ ትምቢትያ ኦድያ ሀናንያዉ 6 ሀዋዳን ያጌዳ፤ "አመንእ! መና ጎዳይ ያቶ! መና ጎዳ ጎልያ ሚሻቱዋነ ኦሞደቲደ ቤዳ አሳ ኡባ ባብሎነፐ ዛሪደ፥ ሀ ሳኣ አሂደ፥ ኔን ኦዴዳ ቃላ መና ጎዳይ ፖሎ! 7 ግዶፐነ፥ አነ ታን ነዉካ ሀ አሳ ኡባዉካ ኦድያዋ ስሳ። 8 በን ኔፐነ ታፐ ካሰ ደኤዳ ትምቢትያ ኦድያዋንቱ ኦላይ፥ ኢታባይነ ኢታ ሀርግያ ዳሮ ቢታቱዋ ቦላነ ዎልቃማ ካዉተቱዋ ቦላ ሀናናዋ ኦዴድኖ። 9 ሽን፥ ‘ሳሮባይ ሀናና’ ጊደ ኦድያ ትምቢትያ ኦድያዋባ ግዶፐ፥ ሄ ኦድያዋ ቃላይ ፖለትያ ዎደ፥ ሄ ዎደ ቱሙዋፐ መና ጎዳይ አ ኪቴዳዋ ኤረታና" ያጌዳ።
10 ሄዋፐ ጉይያን፥ ትምቢትያ ኦድያ ሀናኒ ትምቢትያ ኦድያ ኤርማሳ ሞርግያፐ ሞርገ ም አኪደ መንዳ። 11 ሀናኒ አሳ ኡባ ስንን ሀዋዳን ያጊደ ሃሳዬዳ፤ "መና ጎዳይ ሀዋዳን ያጌ፤ ‘ታን ላኡ ላይቱ ግዶን ባብሎነ ካትያ ናቡካዳናጾራ ሞርገ ም ካዉተቱዋ ኡባ ሞርግያፐ ደንደ ሀዋዳን መንና’ ያጌ" ያጌዳ። ያትና፥ ትምቢትያ ኦድያ ኤርማስ ደንዲደ፥ ባረ ብያሳ ቤዳ።
12 ትምቢትያ ኦድያ ሀናኒ ትምቢትያ ኦድያ ኤርማሳ ሞርግያፐ ሞርገ ም መንዳዋፐ ጉይያን፥ መና ጎዳ ቃላይ ትምቢትያ ኦድያ ኤርማሳዉ ዬዳ፤ 13 "ባ፤ ባደ ሀናንያዉ ኦዳ፤ መና ጎዳይ ሀዋዳን ያጌ፤ ‘ኔን ም ሞርገ ም መንዳ፤ ሽን ኔን አ ድራዉ ብራታ ሞርገ ም መና’ ያጌ። 14 ቃይካ ኡባፐ ዎልቃማ መና ጎዳይ፥ እስራኤልያ ጾሳይ ሀዋዳን ያጌ፤ ‘ኡንቱንቱ ባብሎነ ካትያ ናቡካዳናጾራዉ ሞደታና ማላ፥ ታን ሀ ካዉተቱዋ ኡባ ሞርግያን ብራታ ሞርገ ም ዎና፤ ኡንቱንቱካ አዉ ሞደታና። ሀራይ አትና፥ ባዞ ዶአቱዋካ አዉ እማድ’ ያጌ ያጋ" ያጌዳ።
15 ሄዋፐ ጉይያን፥ ትምቢትያ ኦድያ ኤርማስ ትምቢትያ ኦድያ ሀናንያ ሀዋዳን ያጌዳ፤ "ሀናንያዉ፥ ስሳ! መና ጎዳይ ኔና ኪትቤና፤ ሽን ኔን ሀ አሳይ ዎርዶባን አማነታና ማላ ኦዳ። 16 ሄዋ ድራዉ፥ መና ጎዳይ ሀዋዳን ያጌ፤ ‘ታን ኔና ሀ ሳኣ ቦላፐ ድጋና። ኔን ሀ አሳይ ታ ቦላን ማካላናዳን ዞሬዳ ድራዉ፥ ኔን ሀ ላይ ሀይቃና’ ያጌ" ያጌዳ መና ጎዳይ።
17 ሄ ላይካ ላፑን አግናን ትምቢትያ ኦድያ ሀናኒ ሀይቄዳ።