35 Aules hab ekj junt jewäsen, daut eena soo oabeiden mott, de Schwake to halpen un to denkjen aun de Wieed vom Harn Jesus, daut Hee säd: Jäwen es seelja aus nämen.

36 Un nodäm hee daut jesajcht haud, kjneed hee dol un bäd met äant aula. 37 Un see hielden aula sea un follen Paulus rom sien Jenekj un kusten am, 38 truaden aum mieeschten äwa daut Wuat, daut hee säd, see wudden sien Aunjesecht nich mea seenen; un see jinjen met am nom Schepp.