De Aposteljeschicht 9

Dorkas woat daut Läwen trigj-jejäft

36 En Joppe wond eene jewesse Jinjarin met Nomen Tabita (waut äwasat heet: Dorkas), dee voll von goode Woakjen un Aulmoosen wia, dee see eewd. 37 Daut passieed oba en deeselwje Tiet, daut see krank wort un storf, un see woschen ar un läden ar enne Bowastow. 38 Un wiels Lieda dichtbie Joppe wia un de Jinja jehieet hauden, daut Petrus doa wia, schekjten see twee Mana no am un prachaden am, nich to siemen, no äant to komen. 39 Petrus oba stunt opp un jinkj met äant; un aus hee aunjekomen wia, brochten see am en de Bowastow, un aul de Wätfrues kjeemen rom am, hielden un weesen am de Hamden*9:39 Griechisch Chiton: Een langet, toonet Hamd, onen Kolla un Kjneep. un de Kjleeda, dee Dorkas jemoakt haud, wäarent see bie äant wia.