2 Filisixeemito Isira’eelii’i loldo’a googessa giissexxe; loli safeme eebbee wodda Filsixeemik manni injifateexxi shoole kuma Isira’eelika manna shiyye. 3 Isira’eelik loliink manni abixxinemmaxxe bakkaba’a higee wodda Isira’eelike ardik akeekisanjuwwi hiyyee qici, «Techcho Filisixeemitotee injifatemmannoshsha Duuchchi Woddik Gootti no’oo asseechchi mayeete? No’onni welti me’a’ni naaphakenaa’n no’o anjiro’a marrennexxi Duuchchi Woddike Goottika kakkotika tabbota Seelo’n iyyedango» hine. 4 Tenexxe Seelo’a manna ergineexxi Kirubeelixxe*4:4 Kirubeeli hiyya Mageno hqeqitaaxxe keela affe’eexxe daduwwan oddo’n ifixxe moote hana ofoleeke Dada Duuchcha Ajajaake Duuchchi Woddike Goottik kakotik Taaboti dagaashsha assine; Eelixxi laminxi labbaxxi oose Hofiininna Finihaasi Mageniinke Kakotike Taabotin welti he’nemman.✝4:4 Fula. 25:22.

5 Duuchchi Woddike Goottik Kakkotik Taabota ookkone booncho’n geyee wodda Isira’eelik ard duuchchi gammadeexxi buttini le’ma qico’n ililliise. 6 Filisixeemito tennee ililleete laqeexxi «Ibrawotinbaa lanqannexx tinni buttinna le’missaaxxi ililleete mayinxe?» Hiyye qore. Duuchchi Woddike Goottik kakkotik Taabot Ibirito abixxiteemmaxxe bakkabaa dageexxa egendee wodda, 7 Filisixeemik manninna sodaate hiyyee qici: «Mgenoke insa’nexxe kaanbeba’a dage’een; yoona aanne no’o’a! Konnechchi edo iitta hexxeexxi yaane no’o’n kadde egendebaan. 8 Kone huunamesa magenuwwixxe anganaa’n ayyete no’oo anjira? Aanne no’o’o! Kunni magenuwwi bire Gibtseka manna qiilla gammojje giddo gargar gargar hexxeexxe balanni gane’eeken. 9 Koo Filsixeemike ardaa! Yooni jabaate! Jabaata gophinoole edi wodda insa’ne no’oke garba kandemmashsha no’onna Ibiritotike garba kada no’oxxi gattaxxebaan; yoona labbalinsha jabaatine lollee!»

10 Tennexxee Filisixeemik manni jabaate loleexxi Isra’eeli injifatemmaxxe Isira’eelik manninna ifi fixxe duunkaanebaa baaje; lumok manni mude; sasi tommi kummi Isira’eelik lolink manninna shiyeme.

11 Mageniink kakkotik Taaboti boji’eme; laminxi Eelixxi labbaxxi oose Hofiininna Finihaasi shiyyemme.