Eloke Adabixxa Are
10 Eloke adabixxa are ayyete ise dande’e alfa?
Iseki hiri fiixeeke kinjuwwi caala lumoo qico fiixxeexxe.
13 Fuutinxanna liyonotixxa seemma
eettene huje eetaaxxe anganni
gammadda’n hodhdhatixxe huje’n siitaan.
14 Dadaltotixxe lumoxxe hoboloshsha,
bayya marta’n gargar gargar hexxeexxa ita gurte iyyedagaan.
15 Adda soodebang kexxa,
ifike minihadi’a ita ra’issita;
dubarte erganjuwwa ifixxeenna hujetika qoobbo uutaan.
16 Umo ifingenninni isenni heddeexxi boga hirta,
alfitaake maalaqininna woyine kaassaan.
17 Jabaatteexxi huje ifixxa huccita,
uduudi isekinna hujetee’e jabaken.
18 Hujja’neexxi huje duuchcha la’o idaga’neexxa qalbeeffataan,
hashshanna hujjaammaxxe’e xassi iseki xo’abaan.
20 Hiyyeeyyetanna rakkiyye gargaartaan.
24 Fuutinxa seemmanna sabbata ganda’n,
daddaltuwwate’n gurgudhdhitaan.