17 ତିଲୋଙ୍ ମସାନ୍ ଆକୁଞାର୍ ବର୍ରନ୍, "କେନ୍ ଆ କାବ୍ବାଡ଼ା ମନଙ୍ତଡ୍ । 18 ଆମନ୍ ଡ ଗଡ଼ିନମ୍ଜି କେନ୍ ବାଗୁ ମନ୍ରାନ୍ ଆଜାଡ଼ିନ୍ ବାମ୍ବାତଜି; ଇନିଆସନ୍ଗାମେଣ୍ଡେନ୍ କେନ୍ ଆକାବ୍ବାଡ଼ା ଆସନ୍ ଗୋଗୋୟ୍ ଲଗିନ୍, ଆମନ୍ କେନ୍ଆତେ ଇନ୍ସୟ୍ନମ୍ ଲୁମ୍ଲେ ଅଃରପ୍ତିଏ । 19 କେନ୍ ଆତେ ଗାମେନ୍ ଞେନ୍ ଅମ୍ଡଙା, ଞେନ୍ ଆମନ୍ଆଡଙ୍ ଞଙ୍ଞଙ୍ତମ୍, ଆରି ଇସ୍ୱରନ୍ ବୟନ୍ ଡକୋନେତୁ; ଇସ୍ୱରନ୍ ଆତେମଡ୍ଲୋଙ୍ ଆମ୍ୱେନ୍ ମନ୍ରାଞ୍ଜି ଡେନ୍ନେଲେ ଆବର୍ନେଞ୍ଜି ଇସ୍ୱରନ୍ ଆମଙ୍ ଅବ୍ଜନାବା । 20 ଆରି ଆମ୍ୱେନ୍ ଆନିଞ୍ଜିଆଡଙ୍ ଅନଗଡନ୍ ଡ ବନାଁୟ୍ବର୍ ଞନଙନ୍ ତିୟ୍ବାଜି ଆରି ଆତଙିୟ୍ନେଞ୍ଜି ଆକାଡ଼ାଞ୍ଜି ଅବ୍ତୁୟ୍ବା । 21 ଆରି, ଆମନ୍ କେନ୍ ଆମନ୍ରାଜି ଆମଙ୍ଲୋଙ୍ସିଲଡ୍ କାବ୍ବାଡ଼ାମରଞ୍ଜି, ଆଗରାମ୍ଗାମ୍ ଇସ୍ୱରନ୍ଆଡଙ୍ ଆବରତଙ୍ତେନ୍ ଆମନ୍ରାଜି, ଆଜାଡ଼ିନ୍ ଆବରର୍ତନ୍ ଆମନ୍ରାଜି ଆରି ଲାନ୍ସନ୍ ଆଞନାଙ୍ ଆସନ୍ ଏଡ଼ୁର୍ମଡ୍ତଜି, କେନ୍ ଅନ୍ତମ୍ ଆମନ୍ରାଜି ସେଡାଲେ ତବ୍ନଙା; ଆରି ଆନିଞ୍ଜିଆଡଙ୍ ମନ୍ରାଞ୍ଜି ଆଉପରେଙ୍ ସୋଡ଼ାଗଡ୍ମର୍ ବସଅ ଆମନ୍ରାଜି ଆସୋଡ଼ା, 22 ଆନିଞ୍ଜି ଡିତାନ୍ ମନ୍ରାନ୍ ପସୁଆତିତଜି, ଆରି ଇନ୍ନିଙ୍ ସୋଡ଼ା ବିର୍ରନେ ଡେନ୍ ଓରୋଙ୍ତାଜି, ବନ୍ଡ ଅସୋୟ୍ ଆବର୍ନେ ଡେନ୍ ଆନିଞ୍ଜି ପନ୍ସୁଆତିତଜି, ଏତେଲ୍ଡେନ୍ କାବ୍ବାଡ଼ାନମ୍ ଲିଆର୍ତେ । 23 ଆମନ୍ ଏନ୍ନେଲେ ଲୁମା, ଆରି ଇସ୍ୱରନ୍ ଏନ୍ନେଲେ ଲନୁମନ୍ ଆସନ୍ ବନାଞନ୍ ତିୟ୍ତମ୍, ଏତ୍ତେଲ୍ଡେନ୍ ଆମନ୍ ସଏଲେ ରପ୍ତିତେ, ଆରି କେନ୍ ଅଡ଼୍କୋନ୍ ଆମନ୍ରାଞ୍ଜି ଆସୁକାନ୍ ରମ୍ମଙ୍ ଡରକୋଲୋଙନ୍ ଜିର୍ତଜି ।"
/images/a/a0208299-6f37-40a0-66e1-2576b9435f00)
/images/a/Tcg2NiV7ce24OT6kCIQGR)