Lucas 13

Jesu Anoporesa Mukadzi Adopfa Muthezo noSabata

10 Zvino waidzidzisa munorimwe sinagoge paSabata. 11 Panga pano mukadzi wanga anomweya wohodza kwomakore gumi nomasere, wanga adotumbamisiwa nawo asingagone kuzvitwasura. 12 Jesu paadomuona adomudaidza ndokuti kwaari, "Mukadzi, wasununguhwa pahodza yako." 13 Adobva waisa manja pamusoro pache, nokamangu adotwasanuka, ndokubva warumbidza Mwari. 14 Asi mukuru wosinagoge adokaripa nokuti Jesu wanga waporesa noSabata, ndokuti kuvanhu, "Panomazuva matanhatu yanoitiwa nayo basa, uyai pamazuva yakareyo muporesewe, asi aikona nozuva roSabata."

15 Ipopo Ishe vadomupindura, "Imi vanyengeri! Handiti umwe noumwe wenyu anosugudura dhonza kana buru rache kubva mubara paSabata, achienda koripasa mvura chere? 16 Saka mukadzi uyu, mwanasikana waAbhurahamu, wanga adosungiwa naSathani, kwomakore gumi nomasere, woreka chere kusununguhwa nokuti musi woSabata?" 17 Paadonyaira zvakarezvi, vavengi vache vese vadonyara, vanhu vese vadokondwa nozvinhu zvese zvinoshamisa zvaadoita.