Levítico 18

Igizyo lya magambo mav’i ga wu’kwele

1 Gu’ku' Mulungu wamuwi’laga Mose ati', 2 "V’awi’le v’ana v’a Izilaeli, ‘Ene hu' ni' Gu’ku' Mulungu, Mulungu winywe. 3 Ku’du' muv’e muli’v’ezya magambo ki’ti' ago ga ku' nsi' ya Misili, u’ko mwav’age mwikalile, ninga ku’du' muv’e muli’v’ezya magambo ki’ti' ago ku' nsi' ya Kanaani, i’yo ndamufile. Nhana ku’du' mwize mulonde ki’ti’le chav’o. 4 Ali’vi inywe yi’li’mudima muziku’zye nzi’la zyanne, na ku’zidima nhama zyanne, ki’gele ku’zilonda. Ene hu' ni' Gu’ku' Mulungu, Mulungu winywe. 5 Ku’nguno yeni’yo, muzidime nhama zyanne na nzi’la zyanne. U’yo alazidime alav’e na wu’zuwu’ku. Ene hu' ni' Gu’ku' Mulungu.

6 " ‘Muntu' ninga yu’mo ku’du' ize amwegele mwiye wa igongo lyakwe lya bi’hi' ki’gele alale nawe. Ene hu' ni' Gu’ku' Mulungu.

7 " ‘Ku’du' u’muv’i’nzi’le isima so ku' ku’lala na nnoko wa ku’ku’v’yala, ku’nguno mwenu’yo ali' nnoko. Ku’du' u’lale nawe.

8 " ‘Ku’du' u’lale na muki' wamwa so, ku' ku’v’ezya vyeni’vi yi’li' ku’muv’i’nzi’la isima so.

9 " ‘Ku’du' u’lale na ilu’mbu’yo, mwaniki' mwana wamwa so ninga wamwa nnoko, av’e wa ku’v’yali’lwa mu lu’go lwinywe ninga ku’ngi'.

10 " ‘Ku’du' u’lale na mwizu’ku’lu' wako, mwaniki' wa ku’v’yalwa na mwana wako, ku’nguno u’li’wiv’i’nzi’la isima ev’e mweni’ki’li'.

11 " ‘Ku’du' wize u’lale na ilu’mbu’yo wa ku’v’yalwa na muki' wamwa so. Mwenu’yo ali' ilu’mbu’yo.

12 " ‘Ku’du' u’lale na sengiyo. Mwenu’yo ali' mudu’gu' wa bi’hi' ku’mwa so.

13 " ‘Ku’du' u’lale na muku’lu’ye ninga muzunaye na nnoko. Mwenu’yo ali' mudu’gu' wa bi’hi' ku’mwa nnoko.

14 " ‘Ku’du' u’muv’i’nzi’le isima so muhanya ninga mudo ku' ku’lala na muki' wakwe. Mwenu’yo ali' nnoko.

15 " ‘Ku’du' u’lale na mukamwano, ku’nguno ali' muki' wa mwano.

16 " ‘Ku’du' u’lale na mukwelayo, muki' wa muku’lu’yo ninga muzunayo. U’lamuv’i’nzi’le isima mudu’gu’yo.

17 " ‘Ku’du' u’lale na muki’ma haki’mo na mwana wakwe, ninga mwizu’ku’lu' wakwe wa ku’v’yalwa na mwana wakwe. V’enav’o v’ali' v’adu’gu' v’akwe v’a bi’hi'. Lyeni’lo li’li' ihu’v’yo.

18 " ‘Nhana ku’du' wize u’mutoole muki’ma haki’mo na muku’lu’ye ninga muzunaye ku’v’a mutoolwa mwiye, na ku’lala nawe ku’no mudu’gu’ye akaali' ali’zuwu’ka.

19 " ‘Ku’du' u’mwegele muki’ma ki’gele u’lale nawe ku’no akaali' ali' na zoma ya ku' nsiku' zyakwe. 20 Ku’du' u’lale na muki' wa mwiyo, ku’nguno u’lav’e witu’u’li’la zoma ku' wakwe.

21 " ‘Ku’du' u’mufumye mwana wako ninga yu’mo, av’e ki’taambo ku’mwa mulungu Moleki, ku’nguno ku’v’ezya vyeni’vyo u’lav’e wali’yagazya lina lyamwa Mulungu wako. Ene hu' ni' Gu’ku' Mulungu.

22 " ‘Ku’du' u’lale na mugosya mwiyo ki’ti' i’vyo u’li’lalaga na muki’ma. Lyeni’lo li’li' igayi’li’zyo.

23 " ‘Ku’du' u’lale na ndimu ninga yi’mo, na kwitu’u’li’la zoma ku' wayo, ninga muki’ma ku’du' ifile ha mbele ya ndimu ki’gele alale nayo. Wenu’wo wu’li' wu’v’ipya.

24 " ‘Ku’du' mwize mwiv’ezezye zoma ninga yi’mo mugati' na magambo genaga, ku’nguno makabi’la ago ndagasage ha mbele yinywe gali' na zoma ku’nguno ya ku’v’ezya magambo genaga. 25 Ku’nguno ninga nsi' yav’o yatu’u’li’lilwe zoma, hene nanne nayi’li’pi’ki’zizye wu’kenagu’zi wayo, nayo yav’alu’kile v’ikazi v’ayo. 26 Ali’vi inywe yi’li’mudima muzidime nhama zyanne na nzi’la zyanne. Muv’anda ninga mugeni mwizi’li’zi u’yo ikalile mugati' na inywe, nhana ku’du' av’ezye igayi’li’zyo ninga li’mo mugati' na genaga. 27 Ku’nguno magayi’li’zyo gose genaga gav’eziv’agwe na v’antu' av’o ndi' v’ikalile mu nsi' ya Kanaani aho mukaali' inywe, na ku’yi’tu’u’li’la nsi' yeni’yo zoma. 28 U’lu' mwize muyi’tu’u’li’le zoma nsi', yi’lamulu’ke ki’ti' i’vyo yav’alu’ka v’a makabi’la av’o ndi' v’atongela aho mukaali' inywe.

29 " ‘Ki’la muntu' u’yo alav’ezye igayi’li’zyo mugati' na magambo genaga, muntu' mwenu’yo yi’li’mudima akomwe na iv’ilingano lya V’aizilaeli. 30 Ku’nguno yeni’yo muyi’doonoke nhama yanne, ku’v’a ku’du' mulonde ki’ti’le ninga ki’mo cha igayi’li’zyo i’lo lyav’eziv’agwe aho ndi' mukaali' ku’fika mu nsi' yeni’yi', ki’gele ku’du' mwitu’u’li’le zoma ku' genago. Ene hu' ni' Gu’ku' Mulungu, Mulungu winywe.’ "