1 Mfalume Daudi hamwe na pfilongotsi wa maasikali tsawawasaghula wana wangi wa Asafu, wa Hemani na wa Yudutuni walongotse mna sang'ano ya ukuwapetela iwanu imbuli ya Imulungu na kumwimbila kwa ukutowa pfilimba na pfinanda na matoatsi. Awano wawo iwanu iwasaghulighwe walongotse mna ng'onde ino, na chila wanu tsaweng'ighwa ng'onde yawo, 2 Iwanaghe Asafu tsa Sakuri, Yosefu, Netania, na Asharela. Awano wose wang'ali wolongotsighwa na Asafu mna ukuwapetela iwanu imbuli ya Imulungu kwa kulongotsighwa na mfalume. 3 Yedutuni naye tsakana wana sita. Nawo tsa Gedalia, Seri, Yeshaya, Shimei, Hashabia na Matithia. Awano wose wang'ali wolongotsighwa na aba wawo Yedutuni, na wang'ali wopetela iwanu aku wotowa pfilimba, na wang'ali wolonga mighede na kumtunya IMNDEWA. 4 Iwanaghe Hemani wawo awano: Bukia, Matania, Uzieli, Hebueli, Yeremoti, Hanania, Hanani, Eliata, Gidaliti Romanti Ezeri, Yoshibekasha, Maloti, Hotiri na Mahazioti. 5 Imulungu tsakamwing'a Hemani, iyakalile nabii wa mfalume iwana wamale kumi na wane, na wana mapinga wadatu, ili wamwing'e ingupfu, ka pfayalaghane naye. 6 Iwanaghe wose awano wang'ali wolongotsighwa na aba wawo mna ukwimba hana ing'anda ya IMNDEWA, aku wotowa matoatsi na pfing'weng'we na pfilimba. Asafu, Yedutuni na Hemani wawo wang'ali wolongotsighwa na mfalume. 7 Wanu wose wano hamwe na ndughu tsawo, iwafundighwe na wakubuhu mna ukwimwimbila IMNDEWA, wosewose tsawapfika miya mbili na samanini na nane. 8 Iwanu wose wawe wasongolo au wabala, yawe kofunda weyaghe au kofundighwa, tsawasa tsisimbi mna ukwigholela tsing'onde tsa ukutenda.

9 Isimbi yamwanduso imghwila Yosefu iyolawa mna ikaye ya Asafu na isimbi ya keli imghwila Gedalia hamwe na ndughu tsake na iwanaghe kumi na weli. 10 Isimbi ya kadatu imghwila Sakuri hamwe na iwanaghe na ndughu tsake kumi na weli: 11 ya kane imghwila Seri hamwe na iwanaghe na ndughu tsake kumi na weli; 12 ya tano imghwila Nethania hamwe na iwanaghe na ndughu tsake kumi na weli, 13 ya sita imghwila Bukia hamwe na iwanaghe na ndughu tsake kumi na weli, 14 ya saba imghwila Asharela hamwe na wanaghe na ndughu tsake kumi na weli; 15 ya nane imghwila Yeshaya, hamwe ne iwanaghe na ndughu tsake kumi na weli; 16 ya tisa imghwila Matania; hamwe ne iwanaghe na ndughu tsake kumi na weli, 17 ya kumi imghwila Shimei, hamwe na iwanaghe na ndughu tsake kumi na weli, 18 ya kumi na imwe imghwila Asareli; hamwe na iwanaghe na ndughu tsake kumi na weli, 19 ya kumi na mbili imghwila Hashabia; hamwe na iwanaghe na ndughu tsake kumi na weli, 20 ya kumi na tatu imghwila Shebueli, hamwe na iwanaghe na ndughu tsake kumi na weli, 21 ya kumi na nne imghwila Matithia; hamwe na iwanaghe na ndughu tsake kumi na weli, 22 ya kumi na tano imghwila Yeremothi; hamwe na iwanaghe na ndughu tsake kumi na weli; 23 ya kumi na sita imghwila Hanania, hamwe na iwanaghe na ndughu tsake kumi na weli, 24 ya kumi na saba imghwila Yoshibekasha, hamwe na iwanaghe na ndughu tsake kumi na weli; 25 ya kumi na nane imghwila Hanani hamwe na iwanaghe na ndughu tsake kumi na weli; 26 ya kumi na tisa imghwila Maloti, hamwe na iwanaghe na ndughu tsake kumi na weli, 27 ya ishilini imghwila Eliata, hamwe ne iwanaghe na ndughu tsake kumi na weli, 28 ya ishilini na imwe imghwila Hothiri, hamwe na iwanaghe na ndughu tsake kumi na weli, 29 ya ishilini na mbili imghwila Gidaliti; hamwe na iwanaghe na ndughu tsake kumi na weli, 30 ya ishilini na tatu imghwila Mahazioti, hamwe na iwanaghe na ndughu tsake kumi na weli, 31 ya ishilini na nne imghwila Romamti Ezeri, hamwe na iwanaghe na ndughu tsake kumi na weli.