1 Lawi tsakana wana wadatu: Gerishomu, Kohati na Merari. 2 Kohati tsakana wana wane: Amramu, Ishari, Heburoni na Uzieli.

3 Amramu tsakana wana wamale weli: Aruni na Musa, kuya tsakana neghe yumwe iyakemighwe Miriamu. Aruni tsakana wana wane: Nadabu, Abihu, Eleazari na Itimari.

4 Watsukulu wa Eleazari kulawa lweleko mbako lweleko iwo wano: Finehasi, Abishua, 5 Buki, Uzi, 6 Zerahia, Merayoti, 7 Merayoti, Amaria, Ahitubu, 8 Sadoki, Ahimaasi, 9 Ahimaasi, Azariya, Yohanani, 10 na Azariya. Azariya yuyo iyatendile sang'ano ya ukutambika mna ing'anda ya Imulungu iyaitsengile mfalume Selemani ako Yerusalemu. 11 Azariya tsakamweleka Amaria, Ahitubu, 12 Sadoki, Meshulamu, 13 Hilikia, Azariya, 14 Seraya, na Yehosadaki. 15 Mfalume Nebukadineza tsakamghala Yehosadaki ahala IMNDEWA hayawaghalile iwanu wa Yuda na iwanu wa Yerusalemu kuna isi ya utumwa.

16 Lawi tsakana wana wadatu: Gerishomu, Kohati na Merari. 17 Aghano mataghwa gha iwana wa Gerishomu: Libini na Shimei, na chila yumwe tsakana wanaghe wamale. 18 Kohati tsakaweleka Amramu, Ishari, Hebroni, na Uzieli. 19 Naye Merari tsakaweleka Mahili na Mushi. Awano wawo iwana wa Walawi kwa ukulola tsikolo tsawo pfatsili. 20 Awano wawo iwana wa Gerishomu kulawa lweleko mbaka lweleko, Gerishomu, Libini, Yahati, Zima, 21 Yoa, Ido, Sera na Yeaterai.

22 Awano wawo iwana wa Kohati kulawa mweleko mbaka mweleko: Aminadabu, Kora, Asiri, 23 Elikana Ebiasafu, Asiri. 24 Tahati, Urieli, Usia, na Shauli. 25 Wana wamale wa Elikana tsa waweli: Amasai na Ahimoti.

26 Na awano wawo iwana wa Ahimoti: Elikana, Sofai, Nahati, 27 Eliabu, Yerohamu, na Elikana. 28 Samweli tsakana wana weli: chaudele wake tsakakemighwa Yoeli, na wa keli tsakakemighwa Abiya.

29 Na Awano wawo iwana wa Merari kulawa mweleko mbaka mweleko: Uza, 30 Shimea, Hagia, na Asaya.

31 Awano wawo iwanu mfalume Daudi iyawekile walongotse mna ukwimba mna ing'anda ya IMNDEWA Imulungu, ahala lisanduku lya laghano halikighwe mng'anda. 32 Tsawatenda isang'ano yawo ya ukwimba kwa ukwibokelela hambele ha Lihema lienzeluke mbaka mfalume Selemani hayatsengile Ing'anda ya IMNDEWA Imulungu ako Yerusalemu. 33 Atsino tsitso tsikolo tsa iwanu iwatendile isang'ano ayo: Kulawa lukolo lwa Kohati, Herimani tsa chilongotsi wa kingili lya mwanduso lya iwakwimba, yeye tsa mwana wa Yoeli mwana nha mtsukulu wa Samweli. Aluno lukolo lwake kulawa kwa Israeli: Herimani iyang'ali yotowa chimbeta, iyakalile imwana wa Yoeli, 34 Samweli, Elikana, Yerohamu, Elieli, Toa, 35 Sufu, Elikana, Mahati, Amasai, 36 Elikana, Yoeli, Azariya, Zefania, 37 Tahati, Asiri, Ebiasafu, Kora, 38 Ishari, Kohati, Lawi, na Isiraeli.

39 Asafu, ndughu yake tsakakala ubali wake wa kujilo. Aluno lulo ilukolo lwake kulawa kwa Lawi: Asafu, tsa chilongotsi wa keli wa iwanu iwakwimba: tsakamweleka Berekia, Shimea, 40 Mikaeli, Baaseya, Malikiya, 41 Malikiya, Esini, Zera, Adaya, 42 Etani, Zima, Shimei, 43 Yahati, Gerishomu, na Lawi.

44 Esani wa lukolo lwa Merari, tsachilongotsi wa kingili lya kadatu lya iwakwimba. Aluno lulo ilukolo lwake ilulawile kwa Lawi: Esani, mwana wa Kishi, Abidi, Maluki, 45 Hashabia, Amazia, Hilikia, 46 Amsi, Bani, Shemeri, 47 Mahili, Mushi, Merari, na Lawi.

48 Na Walawi wamwenga tsaweng'ighwa tsing'onde ya ukusang'anila Lihema Lienzeluke.

49 Aruni na mweleko ghwake wawo iwang'ali wolapfa nambiko mna imatsabahu ya nambiko ya ukulakatsighwa na mna imatsabahu ya ukudusulila ubani. Tsawasang'ana tsing'onde tsose tsa Hanu Haenzeluke ng'ani ili Imulungu yawalekele Waisiraeli nzambi tsawo. Aghano ghose waghatenda ka pfayalaghitse Musa, mtumighwa wa Imulungu. 50 Aluno lulo lweleko lwa Aruni: Eleazari, Finehasi, Abishua, 51 Buki, Uzi, Serahia, 52 Merayosi, na Amaria, Ahitubu, 53 Sadoki, Ahimaasi.

54 Atsino tsitso tsikaye tsawo tsawakalile kwa ukulola imibaka yake tsaweng'ighwa mweleko ghwa Aruni kulawa kuna lukolo lwa Wakohati kwaapfila isimbi ya mwanduso tsaiwaghwila wawo. 55 Awano tsaweng'ighwa ghumji ghwa Heburoni mna isi ya Yuda na imighunda ya ukudimila iwanyama mmbalimbali mwa ghumji agho. 56 Lekeni imighunda ya mna ghumji hamwe na ipfijiji tsakeng'ighwa Kalebu mwana wa Yefune. 57 Apfo mweleko ghwa Aruni tsaweng'ighwa miji ya Heburoni, Libina, Yatiri na Eshitemoa iwe ya ukutsumila. Na chila mji tsaghuna mighunda yake ya ukudimila iwanyama. 58 Hileni na Debiri hamwe na mighunda yake ya ukudimila iwanyama, 59 Ashani na Beti Shemeshi hamwe na mighunda ya ukudimila iwanyama. 60 Kulawa likabila lya Benjamini wawo tsaweng'ighwa miji ya Geba, Alemeti na Anatoti hamwe na mighunda ya ukudimila iwanyama ha imiji ayo. Imiji yose yaweng'ighwe kwa ukulola tsikolo tsawo pfatsili tsaipfika kumi na midatu. 61 Mweleko ghwa Wakohati iwasighale tsaweng'ighwa miji kumi kulawa mna likabila lya Manase lili maghalibi kwa kulola tsikolo tsawo.

62 Lukolo lwa Gerishomu, kwa ukulola tsikolo tsawo pfatsili tsalwing'ighwa miji kumi na midatu mna isi ya likabila lya Isakari, na mna isi ya kabila lya Nafutali na mna isi ya kabila lya Manase ako Bashani. 63 Pfipfila, miji kumi na mili tsaweng'ighwa lukolo lwa Merari ka pfaili kwa likabila lya Rubeni, Gadi na mna isi ya likabila lya Zabuloni. 64 Apfo wanu wa Isiraeli tsawaweng'a Walawi imiji ili wakale amo hamwe na mighunda ya ukudimila iwanyama itsinguluke imiji ayo. 65 Imiji yose yatulongole kwandika ili mna isi ya likabila lya Yuda, na likabila lya Simioni, na kabila lya Benjamini tsaweng'ighwa likabila lya Lawi kwa ukwasa simbi.

66 Tsikaye tsimwenga tsa lukolo lwa Kohati tsatsing'ighwa imiji hamwe na mighunda yake ya ukudimila iwanyama mna isi ya likabila lya Efremu. 67 Shekemu, isi ya pfidunda ya Efremu tsaweng'ighwa Shekemu ghumji ghwa ukutsumila, na Gezeri. 68 Yokimeamu na Beti Horoni hamwe na mighunda yawo ya ukudimila iwanyama, 69 Aiyaloni na Gati Rimoni hamwe na mighunda yawo ya ukudimila iwanyama. 70 Mna inusu ya likabila lya Manase tsaweng'ighwa imiji ya Aneri na Bileamu hamwe na mighunda yawo ya ukudimila iwanyama.

71 Kaye tsa lukolo lwa Gerishomu tsaweng'ighwa imiji aino hamwe na mighunda yake ya ukudimila iwanyama, mna inusu ya kabila lya Mashaliki ya Manase tsaweng'ighwa Golani ili mna ghumji ghwa Bashani na Ashitaroti hamwe na imighunda yawo ya ukudimila iwanyama. 72 Mna likabila lya Isakari tsaweng'ighwa Kedeshi na Deberati hamwe na imighunda yawo ya ukudimila iwanyama, 73 Ramoti na Anemu hamwe na mighunda yawo ya ukudimila iwanyama.

74 Mna likabila lya Asheri tsaweng'ighwa ghumji ghwa Mashali, Abidoni hamwe na mighunda yawo ya ukudimila iwanyama, 75 Hukoki na Rehobu, hamwe na mighunda yawo ya ukudimila iwanyama, 76 na mna likabila lya Nafutali tsaweng'ighwa Kedeshi ili mna ghumji ghwa Galilaya, na Hamoni na Kiriataimu, hamwe na imighunda yawo ya ukudimila iwanyama. 77 Nawo Wamerari iwasighale, tsaweng'ighwa imiji aino hamwe na mighunda yawo ya ukudimila iwanyama itsunguluke imiji ayo, kulawa mna likabila lya Zabuloni tsaweng'ighwa Rimono na Tabori hamwe na mighunda yawo ya ukudimila iwanyama. 78 Mna isi ya likabila lya Rubeni, ubali wa mashaliki wa ghumto Yoridani habehi na ghumji ghwa Yeriko tsaweng'ighwa Beseri ghumji ighuli mpfidunda na Yahasa, 79 Kedemoti na Mefaati hamwe na mighunda yawo ya ukudimila iwanyama, 80 na kulawa mna isi ya kabila lya Gadi tsaweng'ighwa Ramoti ako Gileadi na Mahanaimu, 81 Heshiboni na Yazeri, hamwe na mighunda yawo ya ukudimila iwanyama.