1 Wanu wose wa Isiraeli tsawapetighwa mna tsikolo tsawo, na kwandikighwa mna ichitabu cha wafalume wa Isiraeli. Wanu wa Yuda tsawaghoghighwa mbaka Babeli kwaapfila ng'awamuhulikitse Imulungu baye. 2 Wanu iwanduse kuya mmakaye mwawo mna imiji yawo tsa Waisiraeli, watambika, Walawi na iwosang'ana mna ing'anda ya Imulungu. 3 Iwanu wamwenga wa likabila lya Yuda, lya Benjamini, lya Efuremu na lya Manase tsawaghenda kukala Yerusalemu.

4 Utai tsakamweleka Amihudi, Amihudi tsakamweleka Omiri, naye Omiri tsakamweleka Imri, Imri tsakamweleka Bani, wa lukolo lwa iwana wa Peresi, naye Peresi tsakamweleka Yuda. 5 Na iwanu wa mweleko ghwa wa Shilo iwo awano: Asaya iyali chaudele, na iwanaghe. 6 Na iwanu wa mweleko lwa Sera, Yeueli, na ndughu tsawo wa Yuda tsa miya sita na tisini. 7 Na mweleko ghwa iwanu wa Benjamini iwo awano: Salu tsakamweleka Meshulamu, Meshulamu tsakamweleka Hodafia, Hodafia tsakamweleka Hasenua, 8 naye Ibeneya tsakamweleka Yerohamu, Yeroamu tsakamweleka Ela, Ela tsakamweleka Usi, Usi tsakamweleka Mikiri, Makiri tsakamweleka Meshulamu, Meshulamu tsakamweleka Shefatia, Shefatia tsakamweleka Reueli, Reueli tsakamweka Ibiniya: 9 na ndughu tsawo, iwanu wa Benjamini ka pfawandikighwe, kulawa mna pfeleko pfawo tsa wanu miya tisa na hamsini na sita. Iwanu wose awo tsawawa wakulu wa tsikolo tsa aba tsawo.

10 Iwatambika awano tsawakala Yerusalemu: Yedaya, Yehoyaribi, Yakini, 11 na Asariya mwana wa Hilikia, iyamweleke Meshulamu, naye Meshulamu tsakamweleka Sadoki, Sadoki tsakamweleka Merayoti, Merayoti tsakamweleka Ahitubu, mkulu wa Ing'anda ya Imulungu. 12 Naye Adaya tsakamweleka Yerohamu, Yerohamu tsakamweleka Pashuri, Pashuri tsakamweleka Malikiya, Malikiya tsakamweleka Maasai, Maasi tsakamweleka Adieli, Adieli tsakamweleka Yasera, Yasera tsakamweleka Meshulamu, Meshulamu takamweleka Meshilemiti, Meshilemiti tsakamweleka Imeri, 13 Iwatambika, iwakulu wa tsikolo tsa aba tsawo hamwe na ndughu tsawo. Wose tsa wanu elufu imwe na miya saba na sitini. Awano tsawakulu iwodaha ghendo sang'ano yose ya Ing'anda ya Imulungu.

14 Walawi awano tsawakala Yerusalemu: Shemaya, tsakamweleka Hashubu, Hashubu tsakamweleka Azirikamu, Azirikamu tsakamweleka Hashabia, Hashabia tsakamweleka Merari, 15 Bakibakari, Hereshi, Galali, Matania, Mataniya tsakamweka Mika, Mika tsakamweleka Zikiri, Zikiri tsakamweleka Asafu, 16 naye Obadiya, tsakamweleka Shemaya, Shemaya tsakamweleka Galali, Galali tsakamweleka Yedutuni, Yedutuni tsakamweleka Berekiya, Berikiya tsakamweleka Asa, Asa tsakamweleka Elikana, iwang'ali iwokala mna pfijiji pfa Wanetofati.

17 Awano wabetetsi wa Ing'anda ya Imulungu iwakalile Yerusalemu: Shalumu, Akubu, Talimoni na Ahimani na Walawi weyao. Shalumu tsa yuyo mkulu wawo. 18 Iwabetetsi awo iwalawile mna likabila lya Lawi tsawalolesa lilango lya mfalume ubali wa mashaliki wa ghumji. Aho mwanduso wang'ali wololesa imilango ya tsindalo tsa Walawi.

19 Shalumu tsakamweleka Kora, naye Kora tsakamweleka Ebiasafu, hamwe na ndughu tsake wa lukolo lwa Kora. Awano tsawana sang'ano ya kuibetetsa ghamalango ya Lihema lya Lenzeluke, ka pfawakalile iwahenga wake hawang'ali wobetetsa indalo ya IMNDEWA. 20 Aho ghumwande Finehasi mwana wa Eliazari, tsa mkulu wawo, naye IMNDEWA tsakakala hamwe naye. 21 Zekaria mwana wa Meshelemia, pfipfila tsayang'ali yobetetsa lilango lya Lihema lya Lenzeluke. 22 Iwanu wose iwasaghulighwe kughubetetsa lilango ghwa ing'anda ya Imulungu tsawapfika wanu miya mbili na kumi na weli. Tsawandikighwa kwa ukulola ipfijiji pfawakalile. Mfalume Daudi na nabii Samweli wawo iwawatoghole mna isang'ano ayo ng'ulu. 23 Apfo iwanu awo na lweleko lwawo, tsawaghendelela kuilolesa ghamalango gha ing'anda ya IMNDEWA. 24 Iwabetetsi tsawakala chila ubali: mashaliki, maghalibi, kasikazini na kusini. 25 Ndughu tsawo iwang'ali wokala mna ipfijiji, wang'ali wakutsagha na kuwapfila tsisang'ano tsawo kwa ukwibokelela kwa matsuwa saba. 26 Lekeni iwabetetsi wakulu awala wane, iwakalile Walawi, tsawakala na sang'ano ya ukwimilila ipfiheleto pfa hatsina ya ing'anda ye Imulungu. 27 Wawo tsawakala habehi na ing'anda ya Imulungu kwaapfila isang'ano yawo tsa kukalitsa na kupfughula ghamalango ghake chila nemitondo.

28 Walawi wangi tsawemilila pfinu ipfitumike mna sang'ano tsa ing'anda ya Imulungu. Tsawabamighwa kupfipeta hapfilapfighwa kunze na ahala hapfikuyitsighwa mng'anda. 29 Wangi tsawasaghulighwa kupfimila pfinu pfa ing'anda ye Imulungu, na pfinu pfake pfose pfienzeluka, na usaghe unoghile, dipfai, ghamapfuta gha nzeituni, ubani na ghamapfuta ighonung'ila ghoya. 30 Lekeni isang'ano ya kuhanganya ipfilungo tsaisang'anighwa na iwatambika. 31 Mlawi yumwe iyakemighwe Metitia, mwana chaudele wa Shalumu, wa lukolo lwa Kora, tsakemilila isang'ano ya ukoka pfighate sisili. 32 Nawo ndughu tsawo wangi wa lukolo lwa Kohati tsawana sang'ano ya kupfiandaa pfighate pfa kulangusa kuna ing'anda ya Imulungu chila litsuwa lya Sabato. 33 Kolo tsingi tsing'ali tsikwimba mna ing'anda ya Imulungu. Tsawakala mna tsing'anda tsingi tsa ing'anda ya Imulungu, kuya ng'awabamighwe baye ukutenda sang'ano yoyose kwaapfila tsawasang'ana chilo na imisi. 34 Iwanu wose awano tsa wawa wakulu wa likabila lya Walawi, kwa ukulola tsikolo tsawo pfatsili. Wawo wang'ali wokala Yerusalemu.

35 Yeieli tsakandusa ukutsenga ghumji ghwa Gibeoni, ako tsakakala yeye na mwehe wake, taghwa lyake Maaka. 36 Chaudele wake tsakakemighwai Abdoni, kuya Suri, Kishi, Baali, Neri, Nadabu, 37 Gedori, Ahio, Sekeria na Mikiloti. 38 Mikiloti tsakamweleka Shimeamu. Iwana wawo tsawakala Yerusalemu habehi na kaye tsingi tsa ndughu tsawo. 39 Neri tsakamweleka Kishi, naye Kishi tsakamweleka Shauli. Shauli tsakana wana wane: Yonatani, Malikishua, Abinadabu na Eshibaali. 40 Yonatani tsakamweleka Meribi Baali, naye Meribi Baali tsakamweleka Mika. 41 Mika tsakana wana wane: Pitoni, Meleki, Tarea na Ahazi. 42 Ahazi tsakamweleka Yara, Yara tsakamweleka Alemeti, Asimaweti na Zimri, naye Zimri tsakamweleka Mosa, 43 Mosa tsakamweleka Binea, naye Binea tsakamweleka Refaya, naye Refaya tsakamweleka Eleasa, naye Eleasa tsakamweleka Aseli. 44 Aseli tsakana wana sita: Asirikamu, Bokeru, Ishimaeli, Shearia, Obadia na Hamani. Awano wose tsawana wa Aseli.