1 Wana wa Isakari tsa wawane, nawo iwo awano: Tala, Pua, Yashubu na Shimironi.

2 Awano wawo iwana wa Tola: Uzi, Refaya, Yerieli, Yamai, Ibisamu na Shemueli. Awano tsa wakulu wa kaye tsa kolo tsawo, na tsawakala iwanu iwadahile ukwitowa mng'ondo mna ghamatsuwa ghawo. Mweleko ghwa iwanu awo ghamatsuwa gha mfalume Daudi tsa wanu elufu ishilini na mbili na miya sita.

3 Uzi tsakana mwana yumwe, taghwa lyake Izirahia. Na iwana wa Izirahia tsa Mikaeli, Obadia, Yoeli na Ishia, wose tsa wane, na wose awo wane tsa wakulu wa tsikaye. 4 Kwaapfila iwapinga na iwana wawo tsa wawengi ng'ani, tsahana wamale elufu selasini na sita iwadahile ukwitowa kung'ondo kwa ukulola mweleko ghwao.

5 Ndughu tsawo mna tsikolo tsose tsa kabila lya Isakari iwandikighwe kwa ukulola tsikolo, tsawapfika asikali elufu semanini na saba, na wose awo tsawadaha ukwitowa pfinoghile mng'ondo.

6 Benjamini tsakana wana wamale wadatu: Bela, Bekeri na Yediaeli. 7 Bela tsakana wana watano: Esiboni, Usi, Usieli, Yeremoti na Iri. Awano tsawakala pfilongotsi wa tsikaye tsawo na maasikali iwadahile ukwitowa pfinoghile kung'ondo. Iwanu iwandikighwe kwa kulola tsikolo tsawapfika elufu ishirini na mbili na selasini na wane.

8 Bekeri tsakana wana tisa: Zemira, Yoashi, Elieseri, Eliehonai, Omri, Yeremoti, Abiya, Anatoti na Alemeti. Wose awano tsa mweleko ghwa Bekeri. 9 Tsawandikighwa kwa tsikolo, na kwa ukulola pfeleko pfawo ka pfilongotsi wa tsikaye tsawo, na pfeleko pfawo tsawapfika elufu ishilini na miya mbili, wose tsawadaha ukwitowa pfinoghile kung'ondo.

10 Yediaeli tsakana mwana yumwe, taghwa lyake Bilihani. Naye Bilihani tsakana wana: Yeushi, Benjamini, Ehudi, Kenaana, Zetani, Tarishishi na Ahishahari. 11 Wose awano tsa wakulu wa tsikaye mna tsikolo tsawo, na tsawakala watowa ng'ondo iwanoghile. Kulawa mweleko ghwawo, tsawapata iwamale elufu kumi na saba na miya mbili iwakalile ghoya kwa ing'ondo. 12 Shupimu na Hupimu pfipfila tsawakala wa kabila alino. Dani tsakakala na mwana yumwe, taghwa lyake Hushimu.

13 Nafutali tsakana wana wane: Yaasieli, Guni, Yereri na Shalumu. Nafutali mai wake tsa Biliha.

14 Manase tsakana wana weli kulawa kwa mapinga wake wa kunze Mwaramu, Asirieli na Makiri. Makiri aba wake tsa Gileadi. 15 Makiri tsakawakwelela mapinga Hupimu na Shupimu. Lumbu jake Makiri tsakakemighwa Maaka. Mwana wa kabili wa Makiri tsakakemighwa Selofehadi. Selofehadi tsakana wana mapinga waliyeka.

16 Maaka pinga wake Makiri, tsakamweleka mwana taghwa lyake Pereshi. Taghwa lya ndughu yake Pereshi tsa Shereshi. Iwana wa Shereshi tsa Ulamu na Rakemu. 17 Rakemu tsakamweleka Bedani. Awano wose walawa mna mweleko ghwa Gileadi, mwana wa Makiri, mtsukulu wa Manase. 18 Hamoleketi, lumbu jake Gileadi, tsakaweleka Ishihodi, Abiezeri na Mala. 19 Wana wa Shemida tsa Ahiani, Shekemu, Liki na Aniamu.

20 Aghuno mweleko ghwa Efuremu kulawa mweleko mbaka mweleko: Shutela, Beredi, Tahati, Eleada, Tahati, 21 Zabadi, na Shutela. Pfipfila Efuremu tsakana wana wangi weli: Ezeri na Eleadi, iwakomighwe na wenyekaye wa isi ya Gati kwaapfila tsawaghenda ako kuwaboka iwanyama wawo. 22 Efuremu aba wawo tsakadomboketsa kwa ukufa kwa iwanaghe awo kwa ghamatsuwa mengi, na ndughu tsake tsawaghenda kumkanza. 23 Kuya Efuremu kawasa na mwehe wake, naye kakinda inda keleka mwana. Efuremu tsakamkema imwana ayo Beria, kwaapfila iwanaghe tsawakomighwa mna ikaye yake.

24 Efuremu tsakana mwana pinga taghwa lyake Sheera. Ayuno yuyo iyaitsengile miji ya Beti Horoni ya kuchanya na Beti Horoni ya kuisi, na Uzeni Sheera. 25 Efuremu pfipfila tsakamweleka Refa, Reshefu, Tela, Tahani. 26 Ladani, Amihudi, Elishama, 27 Nuni, na Yoshua.

28 Isi tsawo na tsikaye tsawo tsitso atsino: Beteli na pfijiji pfake, Naraani ikalile ubali wa mashaliki, Gezeri ikalile ubali wa maghalibi hamwe na pfijiji pfake, Shekemu na pfijiji pfake na Aya na pfijiji pfake. 29 Pfipfila na mna imibaka ya mweleko ghwa Manase: Beti Sheani na pfijiji pfake, Taanaki na pfijiji pfake, Megido na pfijiji pfake, na Dori na pfijiji pfake. Ayo iyo imiji yawakalile mweleko ghwa Yosefu, mwana wa Isiraeli.

30 Aghuno mweleko ghwa Asheri. Asheri tsakana wana wamale wane: Imina, Ishifa, Ishiri na Beria, na mwana pinga yumwe taghwa lyake Sera. 31 Beria tsakana wana weli: Heberi na Malikieli, ayuno aba wake tsa Birizaiti. 32 Heberi tsakana wana wamale wadatu: Yafileti, Shomeri na Hotamu, na mwana pinga yumwe taghwa lyake Shua. 33 Yafileti pfipfila tsakana wana wadatu: Pasaki, Bimihali na Ashifati. 34 Shemeri tsakana wana wadatu: Roga, Yehuba na Aramu. 35 Na Helemu, ndughu yake yungi, tsakana wana wane: Sofa, Imina, Sheleshi na Amali. 36 Wana wa Sofa tsa Sua, Harineferi, Shuali, Beri, Imira, 37 Beseri, Hodu, Shama, Shilisha, Itirani na Beera. 38 Wana wa Yeteri tsa Yefune, Pisipa na Ara. 39 Wana wa Ula tsa Ara, Hanieli na Risia. 40 Awo wose tsa mweleko ghwa Asheri na tsa wakulu wa tsikaye tsawo, iwanu iwasaghulighwe na iwanu iwadahile ukwitowa. Na awala iwandikighwe kwa kulola tsikolo mna kingilili lya masikali tsa elufu ishilini na sita.