3 Lelo, ghenda ukawatowe na kupfihinya pfinu pfose pfawali napfo. Uleke kuwonela libatsi, uwakome wose, wamale, wapinga, iwana wadowado, iwana iwoghwawa, ng’ombe, wang’olo, ngamiya na pfihongwe.’"
9 Lekeni Sauli na iwanu wake ng’awamkomile baye Agagi, wala wang’olo na wang’ombe iwanenehe, wala iwana wang’olo na iwana wa wang’ombe iwananene na chinu chochose ichoneke chinogha ng’awachihinyile baye. Lekeni pfose pfihile na ipfilihela sang’ano wapfihinya.
13 Samweli hayampfikile Sauli, Sauli kamlongela Samweli, "IMNDEWA yakubaliki! Nikinda laghitso lya IMNDEWA."
15 Sauli kamwidika, "Iwanu ng’awawakomile baye wang’olo na wang’ombe iwanenehe ng’ani iwawasolile kulawa kwa Wamaleki, wawaleka wamlapfile IMNDEWA, Imulungu wako nambiko, lekeni wangi wose tuwakoma."
22 Naye Samweli kalonga, "Apfi IMNDEWA kobama ghendo nambiko tsa ukulakatsighwa na nambiko kubita ukumtegheletsa yeye? Lola, pfinogha ukumtegheletsa yeye kubita kulapfa nambiko, na pfinogha kumtegheletsa yeye kubita kumlapfila mapfuta gha mvulati. 23 Ukulema kutegheletsa kweghala na inzambi ya uhawi, na chidandali cheghala na ghehile na kutamanila pfinyagho. Kwaapfila kulema lilaghitso lya IMNDEWA naye kakulema uleke kuwa mfalume."