2 Heleuhha 3

Solomon kerecaki ketei

1 Pecai Solomon Moriah Deutu ga Jerusalem gage RAMPAUBE ki tei cuhdi, RAMPAUBE pe pei David de peu pecu ngaukegai ga. Pa David ne riempwa kebam heni de mteilu, Jebusme pei Ornan hecaipung gage.✝3:1 Bat. 7:47 2 Pa kei nabe kei*3:2 kei nabe kei Kei nabe kei de Ziv de msiak lu. Aipau Jewme kei de au kei mdai sum dau ge mdeu la langnane benai tei cuhdi, pa hegwang teikelu mmi mdaibe kum. 3 Cu pe bangdwabe petie pedi Tinggwang ki ziemne Solomon dwa kecu aidungde da. Ndaa cubit ndet kelade nzui eh petie cai cubit riakherok,*3:3 Cubit riakherok metre 27.6 da nah pedi cai cubit ngkai.*3:3 Cubit ngkai metre 9.2 da. 4 Ki dwaga kebam kigu de petie cubit ngkai, ki pedi de nzwakap. Pehu de cubit ngkai, nah Solomon pelungki de kecak kemci le kamlu. 5 Pa cypress tsing le kibung kedide zu teilu, cide pa kecak kemci le kemailu, nah pa cide gage palm bangdung nah hegeuria rehidung teigai. 6 Pa ki de tangtsu pemi kehungbe le tei hezuyi lu; kecak au Parvaim cuikui gade teugwang. 7 Pa hesumdung, kikamtsiadung, tangdeudung, nah kikamdung de kecak le kemai lu; pa tangdeudung gage cherubim mie teigailu.*3:7 Cherubim de au kecak pe hesiu tei eh mamie tei pwa bam kecu kena cide Tinggwang kengkieng nah pa bam kecu de keulia kebam ge

8 Pa heni mcitube de teilu. Cide petie ki di ge, cubit ngkai, nah pedi de cubit ngkai. Pa cide kecak kemci, talent hai herok*3:8 Talent hai herok Kilogram 20400 da. mi ge le kemailu. 9 Gojaldung perüt kecak shekels riakngei*3:9 shekels riakngei gram 570. Pa kibung nreube dungde kecak le kemai lu.

10 Pa heni mcitube ziemne cherubim mie kena teilu; hebaciem keyime ci kenade kecak le kemai lu.*Kesa laisiudung ga, cherubim mie tsing le tei kelu kena, de eh bam 11 Cherubim hesiudung pelane ncüt ge petie cubit ngkai; cherub ket hesiu cai petie cubit mengei*3:11 Cubit mengei 2.3 metres, kibung tangdeu ga pet cang; pe hesiu kedade de cubit mengei, cherub kedabe hesiu tungcang. 12 Cherub kedabe hesiu de cai cubit mengei, kibung tangdeu ga pet cang; pe hesiu kedade de cubit mengei, cherub keraibe hesiu de tungcang ge. 13 Cherubim aipau kenade hesiudung pelane ge cubit ngkai nzang petlu. Cherubim penai pi ga saplu, penai zu kibung sum lambie nreulwe. 14 Pa kehezupai kemjai, gieremang, nah mamai kegie nah langcimpai keyibe le teilu, nah pa cide gage cherubim rehi teilu.

15 Solomon ki dwaga ziemne tsiapum kena gede teilu, kena nade pehu cubit camrei-mengei;*3:15 Cubit camrei-mengei 52.5 feet mede 16.5 metre cide kena peureu ga kebam peukang de pehu cubit mengei ge. 16 Pa tsiapum kenade ziemne hegeuriadung teilu nah cide hetsia kena peureu gage kailu; pa kuraletsi haige de teilu delwe hegeuriadung gage keu gailu. 17 Pa kerecaki dwa gage tsiapum kena sumlu, ket zetle bie nah kedabe hile bie; pa zetle kebam tsiapum de de Jakin lie qulu, nah hile kebam tsiapum de de Boaz lie qulu.*3:17 Jakin pekie ‘Tinggwang ne ndeu gai,’ Boaz pekie ‘Tinggwang au ngkieng.’