Lucas 1

11 Akaatumichi bha Kunani Kulihunde bha Hangwana akaabhokela Azakalia monomwe nkati, bhakaajemelela upande gwa kunnelo gwa litatali lya kubhokea mbeeko kwa Annoongo lya kupukia ubhani. 12 Azakalia pabhakabhona bhena antumichi bha Kunani Kulihunde bha Hangwana bhakahechuka muno, bhakajogopa. 13 Nambo Antumichi bha kunani kulihunde bha Annoongo bhakaalobholela, "Azakalia, nkotokujogopa, kwa kubhehe Annoongo bhatekujohanikiha kujopa kwinu, na Aelizabeti hanubhinu bhapakummelekela mwana mwanalome, namwenga mpakumpekeha lihina lyakwe yohana. 14 Mpakuhekela muno na mpakuhachukila muno na bhandu bhajingi bhapakuhangalala muno ligongo lya kubhelekwa kwabhe. 15 Apakubhehe nkolongwa nnoongi ja Hangwana. Ngang’we divai na choha chela chakolelwa, apakutwelela Mboomo ja Annoongo lichobha lya kubhelekwa kwabhe. 16 Ayohana bhapakwaabhujia bhandu bhajingi bha Kuichilaeli kwa Hangwana Annoongo bhabhenji. 17 Bhena bhapakwaalongolea nnongi ja Hangwana na bhena bhapakubhehe na machili na Mboomo handa ja halondoi Aeliya. Bhapakuhitendebhua mitima ya atati yaajendele bhana bhabhenji na bhapakwatendanga bhabhangajoanga bhagananikie ngani yaambone na bhaabhekelange maha Bhandu bhabhe."