Lucas 1

Ulondoi gwa Azakalia

67 Ngapena Azakalia, atati bhabhe Ayohana bhakatwelelwa Mboomo ja Annoongo nabhena bhakalobhola ulondoi hogo,

68 "Bhalumbalilwe Hangwana Annoongo bha ku Isilaeli,

kwa kubhehe bhatekwahikilanga na kwakomboa bhandu bhabhe.

69 Bhate kutupekea mwokochi akola machili,

mmelehi jwa Adaudi antumichi bhabhe.

70 Handa Annoongo chibhakalobhola pena kandai

kupetela akaalondoi bhabhakabhekwa ligongo lyabhe,

71 kubhehe bhapakutubhoa mmabhoko ga akapwati bhitu

na kubhoka kwa bhandu bhabhatuchimwaanga.

72 Bhakalobhola bhapakulangia kiha kwa akanohota bhitu, na kwaatendelanga gammbone

na kombokela lilagano bhabhakalibheka ligongo lya bhena mweene.

73 Handa chibhakalagia atati bhitu Aibulahimu kwa kulapila,

yakubhehe bhapakutupekea twenga bhalaka.

74 bhapakutubhoa kubhoka mmabhoko ga akaapwati bhitu,

ili kutukombolea twenga kwaatumikila pangali bhoga,

75 na kubhehe upande gwabhe na kondekwa nnoongi jabhe mu machobha gitu goha.

76 Na mwenga mwanangu, mpakemwa alondohi bha Annoongo bhabhabhi kunani muno,

mpakwalongolela Hangwana na kwaalakia ndela ligongo lya bhena.

77 Kwatangachianga bhandu yakubhe bhapakuokolewanga

kwa ndela ja kulekelelwa yaambi yabhenji.

78 Ligongo lya kuchitimalika na kiha ya Annoongo bhitu.

na nhana gwa wokopu gwabhe gupakutumulikila kubhoka kunani,

79 na nhana gukombole kwaamulikilanga bhoha bhabhatamanga mu lubhendu lukolongwa lwa malilo, na kututandaa mu ndela ja amani."