Lucas 14

Ayesu bhaalaamiya amundu bhabhabhile na chitamwa cha chakutupa mmele

1 Lichobha limo lya kupomolela Ayesu pabhakalalikwa kulyehe chakulya kaja kwa bhamo bha akaakolo bha makaafalisayo na bhandu bhabhakibhanga penapo bhatendita kwaalolekea muno. 2 Popopo nnongi jabhe Ayesu pakibha na amundu bhamo bhabhakibha na chitamwa cha kutupa mmele goha. 3 Bahi, Ayesu akaakonyanga Mapalichayo na bhabhajiganga malagilo ga Amusa, "Bholi, malagilo gapala kunnamia mundu lichobha lya kupomolela au ngabha?" 4 Nambo bhakatamanga jiii. Nambo Ayesu bhakankamula bhena atamwa na kwalamia, gubhannekitaje ajabhule.