1 Bahi, Ayesu bhakaalobholelanga bhanapunji bhabhe kulandanikiha kongoni, ili kwaalangianga namuna chiipalikwa kwaajopa Annoongo machobha goha pangali kutotokela. 2 Bhakalobhola, "Mu chilambo chimo pakibha na aliwali yakubhee bhakibha ngaajogopa Annoongo wala kwaatopea amundu. 3 Mu chilambo hecho bhakibha nhwelwa jumo yakubhee bhatendita kuhika kwaachabhe mala kwa mala kwa aliwali bhenabho na bhabhikwaapembelea, ‘Choonde ndendakunyopa nnyaangatile ili ngombole kupata hilebhe yangu kubhoka kwa apwati bhangu!’ 4 Aliwali bhenabho bhatenditakana kwaajangatila nhelwa bhenabho kwa muuda ntandamao. Nambo bhakalobhola mumtima gwabhe, ‘Kwakubhee nenga ngaajogopa Annoongo wala nangali ngani amundu, 5 Nambo ligono nhelwa habha bhaendelea kunhabhua hipaalikwa naapekee chibhapala, ila handa ngaapeke bhapakunda kunhuabhua habhua machobha goha!’"

6 Ngapena Hangwana bhakalobhola, "Ng’anikiange muno genago gabhalongile bhena aliwali bhangatenda lihengo lyabhe chiipalikwa chibhalongela. 7 Bholi, Annoongo ngaatetelanga bhenibhala bhangu bhabhahagwile, bhabhaagutila kilo na muhi? Bholi, bhapakana kwaajonikia? 8 Ndendakunnobholelanga, bhapakwapekea chimpalanga chindema. Nenga Amwana bha Amundu chimbakuhika, bholi mbakwakolela tangu bhandu bhatendakuhobhalela pachilambo?"