Lucas 7

Ayesu bhatendakwaayoa mwana jwa anyoongolo nhwelwa

11 Pabhakajomola genago tu, Ayesu bhakajaula mu chilambo chimo chikemitwa ku Naini, lilubhalo lya bhandu pamo bhakanapunji bhabhe bhakalongana nabho. 12 Bahi, pabhakabhandikila kuhika pa nnyango nkolongwa gwa chilambo, bhakabhokelanga bhandu bhapeetwilinge malilo ga analome bhamo, mwana jwa jiika jwa bhenibhala haikege nhelwa. Bhandu bhajingi bha chenichela chilambo bhakibhanga pamo na bhenibhala nhelwa. 13 Hangwana Ayesu pabhakammona haikege bhenibhala nhelwa bhakaakolee kiha, bhakaalobholela, "Nkotokuguta." 14 Ngapena, bhakajaula, bhakalikwaa jenijela njeega, na bhenibhala bhabhakalipetula bhakajekanga. Penapo bhakalobhola, "Mwee nkakombo! Ndendakunnobholela, nnyimuke!" 15 Bhenibha nkakombo bhabhakawee bhakajimuka na kutama, bhakajemeka kulongela. Na Ayesu bhakaapeleka kwa anyongolo bhabhe. 16 Bhandu bhoha bhakahechukanga, bhakabhee bhatenda kwaalumbalila Annoongo bhakalobholanga, "Alondoi akolo bha Annoongo bhatekubhokela pakati jitu. Annoongo bhatekuika kuwakombolanga bhandu bhabhe." 17 Ngani heyo jikajenela mu chilambo cha ku Yudea na mu hilambo hiitindila pa Yudea.