Lucas 8

Hakaikege bhabhalongininge na Ayesu

1 Pabhakajomola genago, Ayesu bhakajaula mu hilambo yoha na muhijiji kujaula kutangacha Ngani ja mmbone ja ukolo gwa Annoongo. Na bhenibhala bhanapunji komi na bhabhele bhakalongana nabho. 2 Kabhele hakaikege teno yakubhe Ayesu bhakibha bhatekwabhoha mahoka na kwalamianga hitamwa, bhalongana nabho. Habho nga akaangota Amalia kubhoka ku Magidalene, yakubhehe Ayesu bhakaabhoha mahoka saba, 3 Na Ayoane hanu bha Kuza, bhakibha halendei akolo bha nyuumba ja Ahelode, Asusana na haikege bhangi bhajingi. Bhenabho haikege bhakibha bhatendita kwaajangatila Ayesu pamo na akanapunji bhabhe kwa hilebhe yabhenji akaachibhenenji.