5 Subalit, sinugatan siya

dahil sa ating mga pagsuway;

dinurog siya dahil sa ating kasamaan.

Ang parusang tiniis niya

ay nagdulot sa atin ng kapayapaan.

At dahil sa kanyang mga sugat,

tayoʼy may kagalingan.

6 Tayong lahat ay parang

mga tupang naligaw.

Bawat isa sa atin

ay gumawa ng nais nating gawin.

Ngunit siya ang pinarusahan ng Panginoon

ng parusang dapat sana

ay para sa ating lahat.

7 Inapi siya at sinaktan,

ngunit hindi man lang dumaing.

Para siyang tupang dadalhin

sa katayan upang patayin,

o tupang gugupitan

na hindi man lang umiimik.