Gênesis 17

3 तबा अबराम तोन्ड को बल पड़ गयो, अना परमेस्वर वोको लक गोस्टी करतो गयो। 4 "चोव, मोरी वादा तोरो संग बंधी रहेत, एकोलाय तू काही रास्ट गिनको बुजरूक बनजो। 5 ✝17:5 रोमियो 4:17 एकोलाय अब लक तोरो नाव अबराम नहीं रहेत पर तोरो नाव अबराहम होयेत। एकोलाय का मीना तोला लगत रास्ट गिनको अजी बनायो सेऊ। 6 मी तोला लगत जादा खानदान को लोक देहिन, अखिन वोको मा लक काही राजा होहेत। अखिन तोरो जवर इतरो खानदान को लोक होहेत का यो रास्ट बन जाहेत। 7 ✝17:7 लूका 1:55; गलातियो 3:16अना मी तोरो संग, अना तोरो मघानी तोरो खानदान को पीढी-पीढी लक हरामेसा लायी अपरो करार स्थापित करूसू। का मी तोरो अना तोरो मघानी तोरो खानदान को परमेस्वर रव्हू। 8 ✝17:8 पेरीत 7:5 अना मी तोला, अना तोरो बाद तोरो खानदान ला भी यो पूरो कनान देस जोन मा तू परदेसी होय के रव्हे रहयो से उनला हरामेसा को लाय दे देऊ, अना मी उनको परमेस्वर रहू।"

9 तबा परमेस्वर ना अबराहम लक कह्यो, "तू भी मोरो संग बान्धयो गयो करार को पालन करजोस, तू अखीन तोरो मघानी तोरो खानदान भी आपरो-आपरो पीढ़ी मा वोको पालन करहेत। 10 ✝17:10 रोमियो 4:11; पेरीत 7:8मोरो संग बान्धी हुयी करार, जेको पालन तोला अना तोरो मघानी तोरो खानदान ला करनो पड़हेत। उ यो आय, तुमरो लक एक- एक मानूस को खतना होय। 11 तुम अपरो- अपरो टूरा को खतना कराय लेवो, जोन करार मोरो अना तुम्हरो बीच मा से, वोको योच निसान होहेत।