पैदाइस 45

यूसूफ खूदला अपरो भाऊगिन पर परगट करासेत

1 तबा यूसूफ अपरो जवर ऊभो लोक हुन को समोर खुदला नही रोक पायो अखीन चिल्लाय के कह्यो, मोरो जवर लक लोक हुनला बाहेर कर देव। भाऊ हुन को समोर परगट करतो बेरा वोको संग कोनी नही होतो। 2 तबा उ चिल्‍ला-चिल्‍ला के रोवन लगयो, तबा मिसर को रव्हनवारो लोक हुन अवाज आयकीन। अना फराओ को राजमहल मा यो खबर पहूच गयो। 3 तबा यूसूफ अपरो भाऊ हुनला कव्हन लगयो, मी यूसूफ सेऊ। का मोरो अजी अबा तकन जिन्दो से? एको जवाब वोको भाऊ गिन नही दे सकीन, काहेका वय भेव को कारन लक घबरा गयो होतीन।