1 Alɛɛ afosi-anyɔ-anɔɔ di Yotam lafũ di obe wɔ aabale ni ɔka, ni aale sɛka di Yerusalem alɛɛ lefosi-akuɔ nɛ. Ɔya leyooto niale Yerusa, aale ni Sadok obisankobi. 2 Aabla lɛsaa le niasiɛko ni di SAATE nwu anu, fɛ mmle okle di ote Usia labla nii, kafɔɔ nnwɔɔ atabuo SAATE nwu olekatakɔ kamɛ. Kafɔɔ, batii nwu mma yi, baanwini baatɔɔbla kɔlalaa ablasaa lɛma nwu. 3 Yotam lase SAATE nwu olekatakɔ Osi Kayoko letofo ni aatofo oyoyiɛ wɔ di Ofel lekpenkpe aakyakaa nɛ. 4 Aabudi sekpoo di Yuda batii akpenkpe suoto ku ayo siene ku ayo takale di apookuu kamɛ.

5 Yotam lakpɛko Amon batii ɔka ni aalenkee ma nɛ. Amon batii lata Yotam koto fututu bakilo nkpe ntiɛ-alafa-ana, kamɔɔ bakilo nkpe kɔlafa ku atitabi bakilo nkpe kɔlafa di lɛlɛɛ nwu kamɛ. Amon batii lawako nwɔ alesaa nwu okle di lɛpɔ kasale nwu kanya di lɛlɛɛ nyɔɔfa ku ditiɛfa kamɛ.

6 Yotam labawɛ osie nwaa diekye aalolaa aakyɛ di SAATE Yaa nɔɔ nwu anu.

7 Asaa ya bamba di Yotam labla ni di sɛka olebee nɔɔ kamɛ, diɛkyakaa ni di nkpɛ nɔɔ be aakpɛ nii, ku asaa bamba ya aabla ni yi, bɛɛkpana nya beekpee di Israel ku Yuda baka kukũ kamɛ. 8 Alɛɛ afosi-anyɔ-anɔɔ aafũ di obe wɔ aabale ni ɔka, ni aale sɛka di Yerusalem alɛɛ lefosi akuɔ nɛ. 9 Yotam lalaatɛ ɔnyɛɛ ku bate nɔɔ, ni baakookaa nwɔ di Dawid Okpoo kplɛ nwu kamɛ nɛ. Ni di obisuɔtɔbi nɔɔ Ahas labayila nwɔ kaanya fɛ ɔka nɛ.