PSALMS 124

Got ni ir e ma ayuweg e girdi’ rok

1 Fa’an mang e da i moy SOMOL u ba’ rodad ma gadad ra di’in?

Israel, mu pi’ e fulweg riy!

2 "Fa’an mang e da i moy SOMOL u ba’ rodad

ko ngiyal’ ni cham e pi to’ogor rodad ngodad,

3 ma kar ful’ed gadad ni ka gadad bafos

u gelngin e damumuw rorad ngodad;

4 ma aram e ran nike sugbur e ra chibiydad nge fekdad ngabang

nge tharaydad e ran,

5 ma n’ew ni be cham u fithik’ e ra lumoch nagdad."

6 Ngad pininged e magaer ngak SOMOL,

ya de pag e pi to’ogor rodad ngar thanged gadad.

7 Kad thaygad ni bod ba arche’ ni thay ko wup ni tay be’ nma kol e arche’;

ke kireb fare wup ka da chuwgad riy!

8 Ayuw ni be yib ngodad e SOMOL e be yib rok,

ni ir e sunumiy e tharmiy nge but’.