PSALMS 98

Got e tagagiyeg ko Fayleng

1 Nga nin’ ba tang nib be’ech ngak SOMOL;

ya tin ke rin’ e rib th’abi fel’!

Ba’ ni mat’aw i pa nge pa’ nib thothup

e ke gelnag.

2 I SOMOL e ke weliy nike gel;

ke gagiyegnag kenang e pi nam gelngin e ayuw rok.

3 Ke tay u gil’ e tin ni micheg ko girdi’ nu Israel

u fithik’ e yul’yul’ nge fare t’ufeg rok ngorad ni dabimus.

Gubin e girdi’ u gubin yang ni ka ra guyed e gel nike tay e Got rodad.

4 Polo’ e fayleng mu tangnaged e felfelan’ ngak SOMOL;

mu pininged e sorok ngak ko pi tang, mi gimed garusnag e felfelan’!

5 Mu tang niged e sorok ngak SOMOL!

Mu chubeged e musik ko harp!

6 Mu thoyed e rappa nge yabul,

mi gimed tolul’nag e felfelan’ ngak SOMOL ni pilung rodad.

7 Day mu chub ma ku arrogon gubin e yafos ni bay u fithik’am;

Fayleng nge gubin e pi’in bay u daken mu tanggad!

8 Gimed e pi lul’ mu waywaygad;

gimed e burey mu tanggad u ta’bang ko felfelan’ u peowchen SOMOL,

9 ni bochan e yib ni nge gagiyegnag e fayleng.

Ir e nge gagiyegnag e girdi’ u fayleng

nib mat’aw ma ba yal’uw.