1 A SOMOL, mog ni bfel’ e rog,

ni bochan e gu be rin’ e n’en ni bfel’

ma rib pagan’ug ngom.

2 SOMOL, mu fal’eg i yaliyeg mag sikeng nigeg;

mu pufthinnag e pi ar ar rog nge pi leam rog.

3 Ya t’ufeg rom ni dabimus e ir e ma pow’iyeg;

fanam yul’yul’ e gubin ngiyal’ nma yal’uwegeg.*

4 Dagur ma chagil ko pi’in ni dariy rograd ngabang;

dariy ragog ko pi’in yad ma dake moding nigedyad.

5 Dabug daken e pi’in kireb,

ma gu ma liyeg ko kireb.

6 SOMOL, kug maluknag pa’ag ni nggu dag ni bfel’ e rog,

gu be liyeg e altar rom ni gu be liyor ngom.

7 Gu be yon’ tangin e ogmagaer

ni gu be weliy murung’agen urngin e gafarig rom ni rib manigil.

8 A SOMOL, ba t’uf rog fare naun ni ga ma par riy,

ni fa gin tagalim’ nib maluplup’.

9 Dab mu unegeg ko pi tadenen ngam thang owchamad;

mu teg u orel rok e pi’in tathang e pogofan —

10 ni pi’in gubin ngiyal’ ni yad ma rin’ e kireb,

ma gubin ngiyal’ ni bfel’ u wan’rad ni ngar feked puluwon e sasalap.

11 Ma gag, e tin ni bfel’ e gu ma rin’;

mu runguyeg ngam ayuwegneg!

12 Gub gilaf ko gubin e riya’;

gu pining e sorok ngak SOMOL u lan e ulung ko girdi’ rok.