Salmos 13

Ba meybil ko ayuw

1 SOMOL, uw n’umngin nap’an ni ngam pagtalig? Manemus?

Uw n’umngin nap’an ni ngam mitheg owchem rog?

2 Uw n’umngin nap’an nthingar gu lubeg e gafgow?

Uw n’umngin nap’an ni nge suguy e kireban’ lanin’ug ni rran nge nep’?

Uw n’umngin nap’an ni nge gel e to’ogor rog ngog?

3 SOMOL ni Got rog, mu changar ngog ma ga fulweg lungug.

Mu sulweg gelngig; dab mu pageg nggum’.

4 Dab mu pag e to’ogor rog nge lungurad, "Kug gelgad ngak."

Dab mu pagrad ngar giriggad ngog ni kug waer.

5 Kug toer ko t’ufeg rom ni dabimus;

Bay gu felan’, ni bochan e ga ra chuwegeg u pa’rad.

6 SOMOL, bay gu tang nigem,

ni bochan e ku’um gol ngog.