1 Ngan pining e magaer ngak SOMOL, ni bochan e ba manigil;

t’ufeg rok e ba manemus.

2 Ngan pining e magaer ngak Got th’abi ga’ u fithik’ gubin e pi got;

t’ufeg rok e ba manemus.

3 Ngan pining e magaer ngak Somol ni Ir e th’abi gel gelngin u fithik’ e pi somol;

t’ufeg rok e ba manemus.

4 Ri ma’agrag Ir e ma ngongliy e tin th’abi ga’ e maang’ang;

t’ufeg rok e ba manemus.

5 Gonop rok e ngongliy e tharmiy ngay;

t’ufeg rok e ba manemus;

6 i filath e fayleng nga daken e day;

t’ufeg rok e ba manemus.

7 I sunmeg e yal’ nge pul;

t’ufeg rok e ba manemus;

8 ni yal’ ni nge gagiyegnag e rran;

t’ufeg rok e ba manemus;

9 nge pul nge pi t’uf ni ngar gagiyeg niged e nep’;

t’ufeg rok e ba manemus.

10 I li’ e tin nganni’ e pagel u pifak piyu Egypt;

t’ufeg rok e ba manemus.

11 I gafaliy yu Israel nga wuru’ yu Egypt;

t’ufeg rok e ba manemus;

12 nga rifrifen pa’ nib gel’, nge pa’ nib gel gelngin;

t’ufeg rok e ba manemus.

13 I sey e day ni Red Sea;

t’ufeg rok e ba manemus;

14 I gafaliy e girdi’ rok riy nga barba’;

t’ufeg rok e ba manemus;

15 ma lumochnag e pilung nu Egypt riy nge salthaw rok;

t’ufeg rok e ba manemus.

16 I gafaliy e girdi’ rok u daken e ted ni desert;

t’ufeg rok e ba manemus.

17 I li’ nge yim’ e pi pilung nib gel gelngin;

t’ufeg rok e ba manemus;

18 me li’ nge yim’ e pi pilung nib gilbugwan;

t’ufeg rok e ba manemus;

19 ni Sihon ni pilung ko Amorite;

t’ufeg rok e ba manemus;

20 nge Og ni pilung nu Bashan;

t’ufeg rok e ba manemus.

21 I pi’ tafarow ko girdi’ rok;

t’ufeg rok e ba manemus;

22 ni pi’ ngak yu Israel ni tapigpig rok;

t’ufeg rok e ba manemus.

23 De pag taldad ko ngiyal’ nda mo’waergad;

t’ufeg rok e ba manemus;

24 I pithigdad u pa’ e to’ogor rodad;

t’ufeg rok e ba manemus.

25 Ma pi’ e ggan ko urngin e yafos;

t’ufeg rok e ba manemus.

26 Mu pinged e magaer ngak Got nu tharmiy;

t’ufeg rok e ba manemus.